മാങ്കൂട്ടത്തിലിന്റെ അറസ്റ്റ് തടയലിൽ വിധി ഒരുമണിക്കൂറിനകം; വാ​ദം പൂർത്തിയായി

തിരുവനന്തപുരം: ബലാത്സം​ഗം, നിർബന്ധിത ​ഗർഭഛിദ്രം കേസുകളിൽ ഒളിവിൽ കഴിയുന്ന കോൺ​ഗ്രസ് എംഎൽഎ രാഹുൽ മാങ്കൂട്ടത്തിലിന്റെ അറസ്റ്റ് തടയണമെന്ന ഹർജിയിൽ വ്യാഴം ഉച്ചയ്ക്ക് ഒരുമണിയോടെ വിധി പ്രസ്താവിക്കും. തിരുവനന്തപുരം പ്രിന്‍സിപ്പല്‍ സെഷന്‍സ് കോടതിയാണ് ഹര്‍ജി പരിഗണിക്കുന്നത്. അറസ്റ്റ് തടയണമെന്ന് പ്രതിഭാ​ഗം പുതുതായി ഹർജി സമർപ്പിച്ചിരുന്നു. മാങ്കൂട്ടത്തിലിന്റെ മുൻകൂർ ജാമ്യാപേക്ഷയിലും ഉടൻ വിധി വന്നേക്കും.

മാങ്കൂട്ടത്തിലിന്റെ മുൻകൂർ ജാമ്യാപേക്ഷയെ പ്രോസിക്യൂഷൻ ശക്തമായാണ് എതിർത്തത്. കൂടുതൽ ഡിജിറ്റൽ തെളിവുകളും പ്രോസിക്യൂഷൻ കോടതിയിൽ സമർപ്പിച്ചു. മുൻകൂർ ജാമ്യാപേ‌ക്ഷയിൽ ഇരുവിഭാ​ഗത്തിന്റെയും വാദം പൂർത്തിയായി.