അർധരാത്രിയിൽ വീട്ടിൽകയറി വയോധികയ്ക്ക് ക്രൂമർദനം; രാവിലെ ഇഴഞ്ഞിഴഞ്ഞ് പുറത്തെത്തി

തിരുവനന്തപുരം: തിരുവനന്തപുരം പോത്തൻകോട് ചന്തവിളയിൽ വയോധികയെ അർധരാത്രിയിൽ വീടുകയറി ആക്രമിച്ചെന്ന് പരാതി. ഇവർ താമസിക്കുന്ന വീടും കടയും ഒരുസംഘം അക്രമികൾ തകർത്തു. കുറട്ടൂർ സ്വദേശി ലീല (62)യാണ് ആക്രമിക്കപ്പെട്ടത്.

വലിയ പൈപ്പ് ഉപയോ​ഗിച്ചാണ് തന്നെ ആക്രമിച്ചതെന്ന് ലീല മാധ്യമങ്ങളോട് പറഞ്ഞു. ചൊവ്വ രാത്രിയാണ് സംഭവം. വീട്ടിൽ കിടന്നുറങ്ങുകയായിരുന്ന ലീ​ലയെ വാതിൽ ചവിട്ടിപ്പൊളിച്ച് അകത്തുകടന്ന് ആക്രമിക്കുകയായിരുന്നു. മർദനത്തിൽ ലീലയുടെ രണ്ട് കാലുകൾക്കും ​ഗുരുതരമായി പരിക്കേറ്റു.

മകൻ മരിച്ചശേഷം ലീല ഒറ്റയ്ക്കാണ് വീട്ടിൽ താമസം. വീടിനോട് ചേർന്ന് ചെറിയ പച്ചക്കറി കട നടത്തിയാണ് ജീവിക്കുന്നത്. ഈ കടയും അക്രമികൾ തകർത്തു.

രാവിലെ ലീല വീട്ടിൽനിന്ന് ഇഴഞ്ഞുവന്ന് വഴിയിൽ കിടക്കുകയായിരുന്നു. അപ്പോഴാണ് നാട്ടുകാർ വിവരമറിഞ്ഞത്. തുടർന്ന് ലീ​ലയെ ആശുപത്രിയിലെത്തിച്ചു. പോത്തൻകോട് പൊലീസ് കേസെടുത്ത് അന്വേഷണം