print edition കേരളം മറക്കില്ല; പൊറുക്കില്ല

തിരുവനന്തപുരം: യുഡിഎഫ്‌ അധികാരത്തിൽ വന്നാൽ ‘പിഎം ശ്രീ പദ്ധതി നടപ്പാക്കില്ലെന്ന്‌ ഗീർവാണം മുഴക്കിയവർ സംഘപരിവാർ അജൻഡയെ പുണർന്നു. പ്രതിപക്ഷത്തിരുന്നപ്പോൾ പറഞ്ഞതെല്ലാം വിഴുങ്ങി. എട്ടുമാസംമുന്പ്‌ ഇപ്പോഴത്തെ മുഖ്യമന്ത്രിയുൾപ്പെടെയുള്ള യുഡിഎഫ്‌ നേതാക്കളുടെ നിലപാടും ഇപ്പോൾ പറയുന്ന നുണകളും ന്യായീകരണവും സമൂഹമാധ്യമങ്ങളിൽ വെൈറലാണ്‌.

​വി ഡി സതീശൻ

കേന്ദ്രത്തിന്‌ സറണ്ടർചെയ്‌ത്‌ എന്തിനാണ്‌ ഇ‍ൗ പണം വാങ്ങുന്നത്‌. കേരളത്തിൽ സാന്പത്തിക പ്രതിസന്ധിയില്ല എന്നാണല്ലോ സർക്കാർ പറയുന്നത്‌. വിദ്യാഭ്യാസമന്ത്രിക്ക്‌ മാത്രം എന്താണ്‌ ഇത്ര സാന്പത്തിക പ്രതിസന്ധി? ഞങ്ങൾ ഇ‍ൗ പദ്ധതി നടപ്പാക്കില്ല.

​പി കെ കുഞ്ഞാലിക്കുട്ടി

പിഎം ശ്രീ പദ്ധതിയോട്‌ യോജിക്കാനാകില്ല. യുഡിഎഫ്‌ അധികാരത്തിൽവന്നാൽ ഒരിക്കലും ഇത്‌ നടപ്പാക്കില്ല. ആർഎസ്‌എസ്‌ അജൻഡ കുട്ടികളെ പഠിപ്പിക്കുന്ന പദ്ധതിക്ക്‌ കൂട്ടുനിൽക്കാനാകില്ല. ഫണ്ടിന്റെ കാര്യം പറയുന്നത്‌ വിശ്വസനീയമല്ല.

​കെ എം ഷാജി

നിങ്ങൾ എനിക്ക്‌ വോട്ടുചെയ്‌ത്‌ വിജയിപ്പിച്ചാൽ പിഎം ശ്രീ പദ്ധതി വലിച്ചുകീറി ചവറ്റുകൊട്ടയിലെറിയും. ഗാന്ധിജിയെയും നെഹ്‌റുവിനെയും തള്ളിപ്പറയുന്ന ആ പാഠപുസ്‌തകത്തിലേക്ക്‌ കുട്ടികളെ തിരികെ കൊണ്ടുവരുന്നതാണ്‌ പിഎം ശ്രീ. ആർഎസ്‌എസ്‌ പാഠപുസ്‌തകം മലയാളി പഠിക്കേണ്ട.

​പി എം എ സലാം

സിപിഐ എം ഭരിക്കുന്ന കേരളത്തിൽ ഹൈന്ദവതത്വങ്ങളും വികലമായ വീക്ഷണങ്ങളും പഠിപ്പിക്കുന്ന വിദ്യാഭ്യാസം കൊണ്ടുവരാന്‍ ഒപ്പിട്ടിരിക്കുകയാണ്. വർഗീയ വിഷം പഠിപ്പിക്കുന്നതാണ്‌ പിഎം ശ്രീ പദ്ധതി. നാളെ നമ്മുടെ കുട്ടികൾ വികലമായ ചരിത്രം പഠിക്കേണ്ടി വരും.