മലപ്പുറത്ത് പനിയുമായി എത്തിയ രോ​ഗിക്ക് നൽകിയത് കാലാവധി കഴിഞ്ഞ മരുന്ന്

മലപ്പുറം: മലപ്പുറത്ത് പനിയുമായി എത്തിയ രോ​ഗിക്ക് കാലാവധി കഴിഞ്ഞ മരുന്ന് നൽകിയതായി പരാതി. സർക്കാർ കുടുംബാരോ​ഗ്യ കേന്ദ്രത്തിൽ ചികിത്സക്കെത്തിയ ചെന്ന കീഴാറ്റൂർ കൊണ്ടിപറമ്പ് സ്വദേശിയായ 39 കാരനാണ് കാലാവധി കഴിഞ്ഞ മരുന്ന് നൽകിയത്. പനിയുമായി എത്തിയ യുവാവിന് സിപ്രോഫ്ലോക്സാസിൻ (Ciprofloxacin) എന്ന ആൻ്റിബയോട്ടിക്ക് ആണ് എഴുതിയത്.

രണ്ട് മാസം മുമ്പ് കാലാവധിയായ മരുന്നാണ് നൽകിയത്. 08/26 എന്നാണ് മരുന്നിൽ എഴുതിയിരിക്കുന്ന തീയതി. സംഭവത്തിൽ ഡിവൈഎഫ്ഐ കീഴാറ്റൂർ പഞ്ചായത്ത് കമ്മിറ്റി പ്രതിഷേധിച്ചു. ബുധൻ രാവിലെ എഫ് എച്ച് സിക്ക് മുമ്പിൽ നടന്ന കുത്തിയിരിപ്പ് പ്രതിഷേധത്തിൽ നിരവധി പേർ പങ്കെടുത്തു.