'തെറ്റുപറ്റി, തിരുത്തുന്നു'; പത്മജ ബിജെപിയിൽ നിന്ന് രാജിവെച്ചു

തിരുവനന്തപുരം: ബിജെപിയിൽ നിന്ന് രാജിവെച്ച് പത്മജ വേണുഗോപാൽ. ബിജെപിയിൽ ചേർന്നത് വലിയൊരു എടുത്തുചാട്ടമായിപ്പോയെന്നും ആ തെറ്റ് തിരുത്തുകയാണെന്നും ചൂണ്ടിക്കാട്ടിയാണ് ബിജെപിയിൽ നിന്ന് രാജിവെച്ചത്. പാർട്ടിയുടെ ആശയങ്ങളുമായി യോജിച്ചുപോകാൻ കഴിയാത്ത സാഹചര്യത്തിലാണ് രാജിയെന്നാണ് പത്മജയുടെ വിശദീകരണം. ഇതോടെ, പത്മജ വീണ്ടും കോൺഗ്രസിലേക്ക് മടങ്ങുമെന്ന അഭ്യൂഹങ്ങൾ ശക്തമായി.
കെ കരുണാകരന്റെ മകളായ പത്മജ കോൺഗ്രസ് വിട്ട് ബിജെപി പാളയത്തിലെത്തിയത് കേരള രാഷ്ട്രീയത്തിൽ വലിയ ചർച്ചയായിരുന്നു. എന്നാൽ, ബിജെപിയിൽ എത്തിയതിന് പിന്നാലെ കടുത്ത അവഗണനയും ആശയപരമായ പൊരുത്തക്കേടുകളുമാണ് നേരിടേണ്ടി വന്നത്. ബിജെപിയുടെ രാഷ്ട്രീയ നിലപാടുകളുമായി പൊരുത്തപ്പെടാൻ സാധിക്കില്ലെന്ന് വ്യക്തമാക്കിയാണ് ഇപ്പോൾ പത്മജ പാർട്ടി വിടുന്നത്.
നേരത്തെ എടുത്ത തീരുമാനം തിരുത്തുന്നുവെന്നും കോൺഗ്രസിലേക്ക് മടങ്ങുമെന്നുമുള്ള ശക്തമായ സൂചനകളാണ് പത്മജ നൽകുന്നത്. അധികാര മോഹത്താൽ കോൺഗ്രസ് നേതാക്കൾ ബിജെപിയിലേക്ക് ചേക്കേറുന്നതിന്റെയും, പിന്നീട് അവിടെ പിടിച്ചുനിൽക്കാനാകാതെ തിരികെ വരുന്നതിന്റെയും ഒടുവിലത്തെ ഉദാഹരണമാണ് പത്മജ വേണുഗോപാൽ.







0 comments