കെഎസ്ആർടിസി സ്വിഫ്റ്റ് ബസ് അപകടത്തിൽപെട്ടു; 28 പേർക്ക് പരിക്ക്

ആലപ്പുഴ: ചേർത്തലയിൽ കെഎസ്ആർടിസി സ്വിഫ്റ്റ് ബസ് അപകടത്തിൽപെട്ട് 28 പേർക്ക് പരിക്ക്. ദേശീയപാതയിലെ അടിപ്പാതയിലേക്ക് ബസ് ഇടിച്ചുകയറുകയായിരുന്നു. ദേശീയപാത നിർമാണം നടക്കുന്നതിനാൽ വച്ചിരിക്കുന്ന ഡിവൈഡർ ഡ്രൈവറുടെ ശ്രദ്ധയിൽപെട്ടിരുന്നില്ല. ഇതാണ് അപകടത്തിനു വഴിയൊരുക്കിയത്.കോയമ്പത്തൂർ – തിരുവനന്തപുരം ബസാണ് അപകടത്തിൽപെട്ടത്.

ഇന്ന് പുലർ‌ച്ചെ നാലരയോടെയാണ് അപകടം. ഡ്രൈവറും കണ്ടക്ടറും പരുക്കേറ്റവരിൽ ഉൾപ്പെട്ടിട്ടുണ്ട്. പരുക്കേറ്റവരെ ചേർത്തല താലൂക്ക് ആശുപത്രിയിലും ആലപ്പുഴ മെഡിക്കൽ കോളജിലും പ്രവേശിപ്പിച്ചു.ബസ് അമിത വേഗതയിലായിരുന്നുവെന്നും ഇതാണു നിയന്ത്രണം നഷ്ടപ്പെടാൻ കാരണമെന്നുമാണ് യാത്രക്കാർ‌ പറയുന്നത്.