പേരാമ്പ്രയിൽ പൊലീസിനെയും നാട്ടുകാരെയും ആക്രമിച്ച് ലഹരി സംഘം; അഞ്ച് പേര്‍ പിടിയില്‍

കോഴിക്കോട് : കോഴിക്കോട്, പേരാമ്പ്രയിൽ പൊലീസിനെയും നാട്ടുകാരെയും ആക്രമിച്ച് ലഹരി സംഘം. സംഭവത്തിൽ രണ്ട് യുവാക്കളും മൂന്ന് സ്ത്രീ

കളും പിടിയിലായി.

പേരാമ്പ്ര പാണ്ടിക്കോട് വെച്ചാണ് ഡാൻസഫ് സ്‌ക്വാഡ് ഇവരെ പിടികൂടിയത്. പരിശോധനയ്ക്കായി അടുത്തേക്കെത്തിയ പൊലീസുകാരെ ലഹരി സംഘം പെട്ടെന്ന് ആക്രമിക്കുകയായിരുന്നു. സ്ക്വാഡിലെ അം​ഗങ്ങൾക്കും നാട്ടുകാർക്കും അക്രമത്തിൽ പരിക്കേറ്റിട്ടുണ്ട്. തുടർന്ന് കൂടുതൽ പൊലീസ് എത്തിയാണ് ഇവരെ കീഴടക്കിയത്. ഇവരിൽ നിന്നും രാസലഹരിയും പൊലീസ് കണ്ടെടുത്തിട്ടുണ്ട്.