print edition സഹകരണവകുപ്പ്‌ ജില്ലാ മേധാവികളെ മാറ്റുന്നു

ഉദ്യോഗാർഥികളോട് കൊടുംവഞ്ചന പൂട്ടിയ പിൻവാതിൽ തുറക്കാൻ നീക്കം സ്വന്തം ലേഖകൻ തിരുവനന്തപുരം‌ സർക്കാർ രൂപീകരിക്കുംമുമ്പേ പിൻവാതിലിലൂടെ വേണ്ടപ്പെട്ടവരെ തിരുകിക്കയറ്റുന്നതിനുള്ള യുഡിഎഫ് നീക്കം തുടങ്ങി. ഉന്നത നേതാക്കളുടെ നിർദേശ പ്രകാരം എല്ലാ വകുപ്പിലെയും താൽക്കാലിക തസ്തികകളുടെ എണ്ണവും ശമ്പള സ്‌കെയിലും നിയമനരീതിയുടെ വിവരങ്ങളുമെല്ലാം ശേഖരിക്കുകയാണ്. സർക്കാർ, അർധ സർക്കാർ, കമ്പനി, കോർ‌പറേഷനുകളിലെല്ലാം യുഡിഎഫ് അനുകൂല സംഘടനകൾ കണക്കെടുപ്പ് നടത്തുന്നുണ്ട്. ഉയർന്ന ശമ്പളം ലഭിക്കുന്ന ഗ്ലാമർ തസ്തികകളിലേക്ക് ഇഷ്ടക്കാരെ നിയമിക്കാനായി ഘടകകക്ഷികൾ തമ്മിലും തർക്കം തുടങ്ങി. നിലവിലുള്ള താൽക്കാലിക ജീവനക്കാരെ പിരിച്ചുവിട്ട് യുഡിഎഫ്‌ പ്രവർത്തകരെ കുത്തിനിറയ്ക്കാനാണ് ശ്രമം. ഉമ്മൻചാണ്ടി സർക്കാരിന്റെ കാലത്ത് നിയമന നിരോധനവും റാങ്കുലിസ്റ്റുകളുടെ കാലാവധി നീട്ടലും പതിവായിരുന്നു. അന്ന് അഞ്ചുവർഷത്തിൽ അനധികൃതമായി നിയമിച്ചത്‌‌ ‌13,000ൽപരം പേരെ‌. വകുപ്പു മേധാവികളെവരെ വഴിവിട്ട്‌ നിയമിച്ചു. 2011ൽ യുഡിഎഫ്‌ അധികാരത്തിലേറിയ ഉടൻ നിയമനനിരോധനത്തിനും തസ്‌തിക വെട്ടിക്കുറയ്ക്കലിനുമാണ്‌ ശ്രമിച്ചത്‌. വൈദ്യുതി ബോർഡിൽ മാത്രം അയ്യായിരത്തോളം തസ്‌തിക വെട്ടിക്കുറച്ചു. വാട്ടർ അതോറിറ്റി, ജലസേചനം, ഭൂഗർഭജലം, ലാൻഡ് റവന്യൂ, ഇക്കണോമികസ് ആൻഡ് സ്റ്റാറ്റിസ്റ്റിക്‌സ്, വനം, സർവേ ആൻഡ് ലാൻഡ് റെക്കോഡ്സ് തുടങ്ങിയ വിഭാഗങ്ങളിൽ നൂറുകണക്കിന്‌ തസ്തിക ഇല്ലാതാക്കി. തസ്‌തിക വെട്ടിക്കുറയ്ക്കുന്നതിനായി ചീഫ് സെക്രട്ടറി ചെയർമാനായി ഉന്നതാധികാര സമിതിയെ ചുമതലപ്പെടുത്തി. പതിനയ്യായിരത്തിലധികം തസ്തിക ഇല്ലാതാക്കി.