തൊണ്ടിമുതൽ അട്ടിമറി കേസ്: ആന്റണി രാജുവിന് ജാമ്യം

തിരുവനന്തപുരം: തൊണ്ടിമുതലിൽ അട്ടിമറി നടത്തിയെന്ന കേസിൽ ആന്റണി രാജുവിന് ജാമ്യം. കേസിലെ ഒന്നാംപ്രതി കെ എ​സ് ജോ​സി​നും കോ​ട​തി ജാ​മ്യം അ​നു​വ​ദി​ച്ചു. ആന്റണി രാജു കേസിൽ രണ്ടാം പ്രതിയാണ്. ശനിയാഴ്ചയാണ് പ്രതികൾ കേസിൽ കുറ്റക്കാരാണെന്ന് കോടതി കണ്ടെത്തിയത്. നെടുമങ്ങാട് ജുഡീഷ്യൽ ഫസ്റ്റ് ക്ലാസ് കോടതിയുടേതാണ് വിധി.

കോ​ട​തി ശി​ക്ഷ വി​ധി​ച്ച​തി​ന് പി​ന്നാ​ലെ അ​ഭി​ഭാ​ഷ​ക​ൻ ജാ​മ്യാ​പേ​ക്ഷ ന​ൽ​കു​ക​യാ​യി​രു​ന്നു. അതേസമയം, രാഷ്ട്രീയ പ്രേരിതമായ കേസാണിതെന്നും ഉമ്മന്‍ ചാണ്ടി മുഖ്യമന്ത്രിയായിരുന്നപ്പോഴാണ് കേസ് നടപടികള്‍ വീണ്ടും തുടങ്ങിയതെന്നും ആന്റണി രാജു മാധ്യമങ്ങളോട് പ്രതികരിച്ചു. ഒരിക്കല്‍പ്പോലും കോടതിയില്‍ ഹാജരാകാതിരുന്നിട്ടില്ല. ഹൈക്കോടതി വിജിലന്‍സ് റിപ്പോര്‍ട്ടില്‍ വേറെ മൂന്ന് പ്രതികളാണ് ഉണ്ടായിരുന്നത്- ആന്റണി രാജു പറഞ്ഞു.

ലഹരിക്കേസിലെ പ്രതിയെ രക്ഷിക്കാനായി കോടതിയിലെ തൊണ്ടിമുതലായ വസ്ത്രത്തിൽ മാറ്റം വരുത്തിയെന്നാണ് ഇവർക്കെതിരെയുള്ള കുറ്റം. 1990-ലാണ്‌ സംഭവം. അന്ന്‌ അഭിഭാഷകനായിരുന്നു ആന്റണി രാജു. കേസിൽ വിചാരണ നേരിടണമെന്ന് സുപ്രീംകോടതി നേരത്തെ ഉത്തരവിട്ടിരുന്നു. ഒരു വർഷത്തിനുള്ളിൽ വിചാരണ പൂർത്തിയാക്കണമെന്ന കർശന നിർദ്ദേശത്തെത്തുടർന്നാണ് നടപടികൾ വേഗത്തിലായത്. വിധി പുറത്തുവന്നതോടെ ആന്റണി രാജുവിനെ നിയമസഭാ സെക്രട്ടറിയറ്റ് എംഎൽഎ സ്ഥാനത്ത് നിന്ന് അയോഗ്യനാക്കി.