കാസർകോട് പനിബാധിച്ച് യുവാവ് മരിച്ചു ‌

കാസർകോട്: മാവുങ്കൽ പനിബാധിച്ച് യുവാവ് മരിച്ചു. പുതിയകണ്ടം മീത്തലെ വീട്ടിൽ ചന്ദ്രശേഖരൻ ആചാരിയുടെയും ചന്ദ്രികയുടെ മകൻ പി സതീഷ് കുമാർ (45) ആണ് മരിച്ചത്. കടുത്ത പനിയെ തുടർന്ന് ബുധൻ രാവിലെ കാഞ്ഞങ്ങാട് ജില്ലാ ആശുപത്രിയിൽ എത്തിച്ചു. നില ​ഗുരുതരമായതിനാൽ പരിയാരം മെഡിക്കൽ കോളേജ് ആശുപത്രിയിലേയ്ക്ക് മാറ്റിയെങ്കിലും രാത്രിയോടെ മരിച്ചു. ഇന്റർലോക്ക് തൊഴിലാളിയാണ് സതീഷ്. സഹോദരങ്ങൾ ശശികുമാർ (മലപ്പച്ചേരി ), ശാലിനി (കുണ്ടേൻ കെവ്വൽ),സന്തോഷ് (എറണാകുളം).