Deshabhimani

നടിയെ ആക്രമിച്ച കേസ്: വിചാരണക്കോടതി ജഡ്ജിക്കെതിരായി അതിജീവിതയുടെ അഭിഭാഷക നല്‍കിയ ഹർജി തള്ളി ഹൈക്കോടതി

kerala highcourt
വെബ് ഡെസ്ക്

Published on Nov 17, 2026, 11:49 AM | 1 min read

കൊച്ചി: കൊച്ചിയിൽ നടിയെ ആക്രമിച്ച കേസിലെ വിചാരണക്കോടതി ജഡ്ജിക്കെതിരായ ഹർജി തള്ളി ഹൈക്കോടതി. ജസ്റ്റിസ് പി വി കുഞ്ഞികൃഷ്ണൻ അധ്യക്ഷനായ സിംഗിൾ ബഞ്ചാണ് ഹർജി തള്ളിയത്. അതിജീവിതയുടെ അഭിഭാഷക അഡ്വ. ടി ബി മിനി സമർപ്പിച്ച കോടതിയലക്ഷ്യ ഹർജി തള്ളിയ കോടതി, സെഷൻസ് ജഡ്ജി ഹണി എം വർഗീസിനെതിരെ കോടതിയലക്ഷ്യ നടപടി നിലനിൽക്കില്ലെന്നും അറിയിച്ചു.


വിചാരണ സമയത്ത് അതിജീവിതയുടെ അഭിഭാഷക ഉറങ്ങുകയായിരുന്നുവെന്ന ജഡ്ജിയുടെ പരാമർശം കോടതിയലക്ഷ്യമാണെന്നായിരുന്നു ഹർജിയിടെ ആവശ്യം. പത്ത് ദിവസത്തിൽ താഴെ മാത്രമാണ് അഭിഭാഷക കോടതിയിൽ ഹാജരായതെന്നുമുള്ള ജഡ്ജിയുടെ പരാമർശം അപകീർത്തികരമാണെന്നും ഹർജിയിൽ ചൂണ്ടിക്കാണിച്ചിരുന്നു.


ജഡ്ജിയുടെ പരാമർശം സമൂഹമാധ്യമങ്ങളിലൂടെ ഉൾപ്പെടെ വ്യാപകമായി പ്രചരിച്ചുവെന്നും തനിക്ക് സൈബർ ആക്രമണവും അധിക്ഷേപവും നേരിടേണ്ടി വന്നതായും മിനി ചൂണ്ടിക്കാട്ടിയിരുന്നു. തുടർന്ന് കോടതി സ്വമേധയാ കോടതിയലക്ഷ്യ കേസ് എടുക്കണമെന്നുമായിരുന്നു ഹർജിയിലെ ആവശ്യം.


എന്നാൽ അഭിഭാഷക ടി ബി മിനിയുടെ ആവശ്യം അംഗീകരിക്കാത്ത ഹൈക്കോടതി, മാധ്യമങ്ങൾ കോടതിയിലുണ്ടോ എന്ന് നേക്കേണ്ടതില്ലെന്നും നിരീക്ഷിച്ചു. ജുഡീഷ്യൽ റെക്കോർഡ്സിൽ പരമാർശങ്ങൾ വന്നിട്ടുണ്ടെങ്കിൽ പരിശോധിക്കുമെന്നും ഹൈക്കോടതി ചൂണ്ടിക്കാട്ടി. നടിയെ ആക്രമിച്ച കേസിൽ വിചാരണക്കായി വനിതാ ജഡ്ജി വേണമെന്ന അതിജീവിതയുടെ ആവശ്യപ്രകാരമാണ് 2019ൽ ഹണി എം വർഗീസിനെ പ്രത്യേക കോടതി ജഡ്ജിയായി ഹൈക്കോടതി നിയമിച്ചത്.



deshabhimani section

Related News

View More
0 comments
Sort by

Deshabhimani
Home