ലക്ഷ്യം തെറ്റാതെ ഇന്ത്യ; അമ്പെയ്ത്തിൽ വീണ്ടും സ്വർണം

നഗോയ: ഏഷ്യൻ ഗെയിംസ് അമ്പെയ്ത്തിൽ ഇന്ത്യയ്ക്ക് വീണ്ടും സ്വർണ നേട്ടം. ഫൈനലിൽ ദക്ഷിണ കൊറിയയെ വീഴ്ത്തിയാണ് ഇന്ത്യൻ വനിതാ റിക്കർവ് ടീം സ്വർണം നേടിയത്. അങ്കിത ഭകത്, കീർത്തി, കുങ്കും മൊഹ്ദ് എന്നിവരടങ്ങിയ ഇന്ത്യൻ ടീം 5-3 പോയിന്റിനാണ് കൊറിയയെ തോൽപ്പിച്ചത്. ബുധനാഴ്ച അമ്പെയ്ത്തിൽ മൂന്ന് സ്വർണം ഇന്ത്യ നേടിയിരുന്നു.

സെമിയിൽ ചൈനയെ വീഴ്ത്തിയാണ് ഇന്ത്യ ഫൈനലിൽ പ്രവേശിച്ചത്. 5-1ന് ചൈനയെ തകർത്ത് ഫൈനലിൽ എത്തിയ ടീം, അതേ മികവ് അവസാന മത്സരത്തിലും പുലർത്തി. കൂടുതൽ സ്വർണം നേടി മെഡൽ പട്ടികയിൽ മുന്നേറാനാണ് ഇന്ത്യ ലക്ഷ്യമിടുന്നത്.