അനുപ് ബാഗ്ചി എച്ച്ഡിഎഫ്സി ബാങ്കിന്റെ പുതിയ മേധാവി; ഒക്ടോബർ 27ന് ചുമതലയേൽക്കും

മുംബൈ : എച്ച്ഡിഎഫ്‌സി ബാങ്കിന്റെ അടുത്ത മാനേജിംഗ് ഡയറക്ടറും ചീഫ് എക്‌സിക്യൂട്ടീവ് ഓഫീസറുമായി (എംഡി & സിഇഒ) അനുപ് ബാഗ്ചിയെ നിയമിച്ചു. മൂന്ന് വർഷത്തെ കാലാവധിയിലേക്കാണ് നിയമനം. എച്ച്ഡിഎഫ്‌സി ബാങ്ക് സ്റ്റോക്ക് എക്‌സ്‌ചേഞ്ച് ഫയലിംഗിൽ വ്യക്തമാക്കിയതനുസരിച്ച്, ഒക്ടോബർ 1ന് ആർ‌ബി‌ഐ ബാഗ്ചിയുടെ നിയമനം അംഗീകരിച്ചു. 2026 ഒക്ടോബർ 27 മുതൽ അനുപ് ബാ​ഗ്ചിയുടെ കാലാവധി ആരംഭിക്കും.

ഒക്ടോബർ 2 മുതൽ ബാഗ്ചി അഡീഷണൽ ഡയറക്ടറായി നിയമിക്കുന്നതിന് എച്ച്‌ഡി‌എഫ്‌സി ബാങ്ക് ബോർഡ് അംഗീകാരം നൽകി. 2013ലെ കമ്പനി ആക്ട് പ്രകാരം ബാങ്കിന്റെ ഓഹരി ഉടമകൾ അംഗീകാരം നൽകുന്നതുവരെ ഈ നിയമനം തുടരും. ഓഹരി ഉടമകളുടെ അംഗീകാരം ലഭിച്ചാൽ ഒക്ടോബർ 27 മുതൽ മൂന്ന് വർഷത്തേക്ക് മാനേജിംഗ് ഡയറക്ടറും ചീഫ് എക്‌സിക്യൂട്ടീവ് ഓഫീസറുമായി അദ്ദേഹത്തെ നിയമിക്കുന്നതിനും ബോർഡ് അംഗീകാരം നൽകി. നിലവിലെ എംഡിയും സിഇഒയുമായ ശശിധർ ജഗദിഷന്റെ കാലാവധി ഒക്ടോബർ 26ന് അവസാനിച്ചതിന് ശേഷം ബാഗ്ചി ചുമതലയേൽക്കും.