ബാലൺ ഡി ഓർ ജേതാവിനെ അറിയാൻ മണിക്കൂറുകൾ മാത്രം; മെസിയും യമാലും എംബാപെയും പട്ടികയിൽ

ലണ്ടൻ : ഫുട്ബോൾ ലോകത്തെ ഏറ്റവും വലിയ വ്യക്തിഗത പുരസ്കാരമായ ബാലൺ ഡി ഓർ ജേതാവിനെ അറിയാൻ ഇനി മണിക്കൂറുകൾ മാത്രം. ലണ്ടൻ പാലേഡിയത്തിൽ ഒക്ടോബർ 27 ഇന്ത്യൻ സമയം പുലർച്ചെ 1.30നാണ് പ്രഖ്യാപനം.

ലയണൽ മെസി, ഹാരി കെയ്ൻ, ലമീൻ യമാൽ, കിലിയൻ എംബാപെ, റോഡ്രി തുടങ്ങിയ പ്രമുഖ താരങ്ങൾ ഇത്തവണ പുരസ്കാരത്തിനായുള്ള മത്സരത്തിലുണ്ട്.

വനിതകളിൽ സ്പെയ്നിന്റെ അയ്താനാ ബൊൻമാറ്റി, അലെക്സിയ പുറ്റെല്ലാസ് എന്നിവരാണ് മുന്നിലുള്ളത്. മെസി എട്ടു തവണ ബാലൺ ഡി ഓർ നേടിയിട്ടുണ്ട്. ഏറ്റവും കൂടുതൽ തവണ ഈ പുരസ്കാരം നേടിയ താരമെന്ന റെക്കോഡും അദ്ദേഹത്തിനാണ്.

എർലിങ് ഹാലൻഡ്, ഉസ്മാൻ ഡെംബെലെ, , വിനീഷ്യസ് ജൂനിയർ, ജൂഡ് ബെല്ലിങ്ങാം, മൈക്കൽ ഒലിസെ, ഖ്വിച്ച ക്വാരത്‌സ്‌ഖേലിയ, വിറ്റിന്യ തുടങ്ങിയവരും പട്ടികയിലുണ്ട്. ചുരുക്കപ്പട്ടികയിൽ ഇടം നേടിയതുകൊണ്ടുമാത്രം ജയം ഉറപ്പില്ല. വോട്ടെടുപ്പിലെ അന്തിമ റാങ്കിങ്ങാണ് ജേതാവിനെ നിശ്ചയിക്കുക.

2025ൽ പുരുഷ വിഭാഗത്തിൽ പാരിസ് സെന്റ് ജെർമെയ്ൻ താരമായ ഉസ്മാൻ ഡെംബെലെയാണ് പുരസ്കാരം നേടിയത്. വനിതാ വിഭാഗത്തിൽ ഐതാന ബോൺമതിയായിരുന്നു ജേതാവ്.

ബാലൺ ഡി ഓർ ജേതാവിനെ തീരുമാനിക്കുന്നത് എങ്ങനെ?

ഫ്രാൻസ് ഫുട്ബോൾ, യുവേഫയുമായി സഹകരിച്ചാണ് പുരസ്കാരം സംഘടിപ്പിക്കുന്നത്. ചുരുക്കപ്പട്ടികയിലുള്ള താരങ്ങളുടെ വ്യക്തിഗത പ്രകടനം, ടീമിനായുള്ള സംഭാവന, നേട്ടങ്ങൾ, കായികമാന്യത എന്നിവ വിലയിരുത്തി അന്താരാഷ്ട്ര മാധ്യമപ്രവർത്തകരുടെ ജൂറിയാണ് വോട്ട് രേഖപ്പെടുത്തുന്നത്. ഏറ്റവും കൂടുതൽ പോയിന്റ് നേടുന്ന താരത്തിനാണ് പുരസ്കാരം.