പ്രവീൺ പാലക്കീലിനും എം ഒ രഘുനാഥിനും ആദരവ്

ദുബായ്: ഇന്റർനാഷണൽ ബുക്ക് ഓഫ് റെക്കോഡ്സിൽ ഇടംനേടിയ എഴുത്തുകാരനും ഫോട്ടോഗ്രാഫറുമായ അഡ്വ. പ്രവീൺ പാലക്കീലിനെയും ഇന്റർനാഷണൽ സ-്‌കൂൾ ഓഫ് ലൈബ്രേറിയൻഷിപ്പിന്റെ വടക്കേ ആഫ്രിക്ക–മധ്യപൂർവ മേഖലാ ഡയറക-്‌ടറായി തിരഞ്ഞെടുക്കപ്പെട്ട എം ഒ രഘുനാഥിനെയും ആദരിച്ചു. പ്രവാസി ബുക-്‌സിന്റെ ആഭിമുഖ്യത്തിൽ 11ന് അൽ നഹ്ദയിലെ അക്കാഫ് ഇവന്റ് ഹാളിൽ സംഘടിപ്പിച്ച ചടങ്ങിൽ പ്രവീൺ പാലക്കീലിന്റെ ഫോട്ടോ പ്രദർശനവും നടന്നു.

​ഏറ്റവും കൂടുതൽ എഴുത്തുകാരുടെ ചിത്രങ്ങൾ പകർത്തിയതിനാണ് പ്രവീൺ പാലക്കീൽ ഇന്റർനാഷണൽ ബുക്ക് ഓഫ് റെക്കോഡ്സിൽ ഇടം നേടിയത്. എഴുത്തുകാരൻ ബഷീർ തിക്കോടി ചടങ്ങ് ഉദ്ഘാടനംചെയ-്‌തു. അജിത് കണ്ടല്ലൂർ അധ്യക്ഷനായി. ഷാജി ഹനീഫും ഗീത മോഹനും ഉപഹാരങ്ങൾ നൽകി. സ-്‌മിത പ്രമോദും റസീന ഹൈദറും പൊന്നാട അണിയിച്ചു. വെള്ളിയോടൻ പുരസ-്‌കാര ജേതാക്കളെ പരിചയപ്പെടുത്തി. കെ പി റസീന, ഉണ്ണി കൊട്ടാരത്തിൽ, സബ്ന നസീർ, ധന്യ അജിത്, സഹർ അഹ്മദ്, രമേശ് പെരുമ്പിലാവ്, സരിത കൊനാരത്ത്, ഈപ്പൻ തോമസ് എന്നിവർ സംസാരിച്ചു. അജിത് വള്ളോലി സ്വാഗതവും ദൃശ്യ ഷൈൻ നന്ദിയും പറഞ്ഞു.

​ദുബൈയിൽ സ്വന്തമായി വ്യവസായം നടത്തുന്ന പ്രവീൺ പാലക്കീൽ മരുപ്പച്ചകൾ എറിയുമ്പോൾ, ലിഫ്റ്റിനടുത്തെ പതിമൂന്നാം നമ്പർ മുറി, കണ്ടപ്പുലി മാരപ്പുലി, സ-്‌മൃതിരേഖയിൽ നിലാവ് പൂക്കുമ്പോൾ തുടങ്ങിയ കൃതികളുടെ രചയിതാവാണ്. ​എം ഒ രഘുനാഥ് ജെംസ് എജ്യുക്കേഷനിൽ ഹെഡ് ലൈബ്രേറിയനാണ്. ലൈബ്രേറിയൻ മരിച്ചിട്ടില്ല, ലേബർ ക്യാമ്പുകളിലെ തലയിണകൾ, പലനിറങ്ങൾ ഒരു പൂക്കളം, മണലുടുപ്പിലെ മഞ്ഞുടലുകൾ, അണയാത്ത കനലുകൾ–ആഗോള പെൺകവിതകൾ, ഈന്തപ്പന–മരുഭൂമിയുടെ ജീവവൃക്ഷം, പാടി ഒരു സ-്‌നേഹസ-്‌പർശം എന്നിവയാണ് പ്രധാന കൃതികൾ.