പൊന്നിന് പൊൻവില; റെക്കോഡ് കുതിപ്പ്

തിരുവനന്തപുരം : പുതിയ മാസം തുടങ്ങിയതല്ലേ? ഓണക്കാലവും വരികയായി. സ്വർണം വാങ്ങാനിരുന്നവർ ഈ കാര്യമറിയാതെ പോകരുത്. ഇന്ന് സ്വർണവില ഈ മാസത്തെ ഏറ്റവും ഉയർന്ന നിരക്കിലാണ്. പവന് 2,120 രൂപയാണ് ഒറ്റയടിക്ക് വർധിച്ചത്. ​ഗ്രാമിന്റെ വിലയും 265 രൂപ വർധിച്ചു. ഇന്ന് ഒരു പവൻ സ്വർണം വാങ്ങണമെങ്കിൽ 1,09,800 രൂപ നൽകണം. ഇതിനു പുറമെ പണിക്കൂലിയും മറ്റു ചാർജുകളുമുണ്ടാവും. ഒരു ​ഗ്രാം സ്വർണത്തിന്റെ വില 13,725 രൂപയാണ്.

ഇന്നലെ രണ്ടു തവണയാണ് സ്വർണവില ഉയർന്നത്. രാവിലെ പവന് 1,280 രൂപയാണ് വർധിച്ചത്. ഉച്ചയോടെ വീണ്ടും 800 രൂപ കൂടി വർധിച്ച് പവന്റെ വില 1,07,680 രൂപയായി. ഇതോടെ സ്വർണം ഇന്നലെ ഈ മാസത്തെ ഏറ്റവും ഉയർന്ന നിലയിലെത്തിയിരുന്നു. ഇന്നലത്തെ വിലയെയും കടത്തിവെട്ടിയാണ് ഇന്ന് സ്വർണം കുതിക്കുന്നത്.

ക്രൂഡ് ഓയിൽ വില ഇടിഞ്ഞതോടെ അന്താരാഷ്ട്ര വിപണിയിൽ സ്വർണവില ശക്തമായ തിരിച്ചുവരവിലാണ്. പശ്ചിമേഷ്യയിൽ ​ഹോർമുസ് തുറക്കാൻ ഇറാൻ പദ്ധതിയിടുന്നത് ആ​ഗോള വിപണിയെ ബാധിച്ചതിനാലാണ് എണ്ണവില വർധിച്ചത്. സ്വർണത്തിന് വാങ്ങൽ സമ്മർദം വർധിച്ചിട്ടുണ്ട്. നിവലിൽ ഔണസിന് 4,200 ഡോളർ എന്ന നിലയിലാണ് സ്വ‌ർണം വ്യാപാരം നടത്തുന്നത്.