അറിഞ്ഞോ? രണ്ട് ദിവസത്തിനിടെ സ്വർണത്തിന് 2,640 രൂപ കുറഞ്ഞു

തിരുവനന്തപുരം : സ്വർണം വാങ്ങാൻ കാത്തിരുന്നവർക്ക് ആശ്വാസമായി ഇന്നും വില കുറഞ്ഞിട്ടുണ്ട്. ഒരു ​ഗ്രാമിന് 175 രൂപ കുറഞ്ഞ് 13,060 രൂപയും, ഒരു പവന് 1,400 രൂപ കുറഞ്ഞ് 1,04,480 രൂപയുമാണ് ഇന്നത്തെ വില. വില കുറഞ്ഞെങ്കിലും 5 ശതമാനം പണിക്കൂലിയും 3 ശതമാനം ജിഎസ്ടിയും കണക്കാക്കിയാൽ ഒരു പവൻ സ്വർണം വാങ്ങണമെങ്കിൽ 1,12,995 രൂപ ചെലവാക്കണം.

ഇന്നലെയും സ്വർണത്തിന്റെ വില കുറഞ്ഞിരുന്നു. ഒരു​ ​ഗ്രാം സ്വർണത്തിന് 155 രൂപ കുറഞ്ഞ് 13,235 രൂപയും, ഒരു പവന് 1,240 രൂപ കുറഞ്ഞ് 1,05,880 രൂപയുമായിരുന്നു ഇന്നലത്തെ വില.

അന്താരാഷ്ട്ര വിപണിയിലെ ചലനങ്ങൾക്ക് അനുസരിച്ചാണ് രാജ്യത്ത് സ്വർണവില നിശ്ചയിക്കുന്നത്. ക്രൂഡ് ഓയിൽ വില, ഡോളർ-രൂപ വിനിമയ നിരക്ക്, ഇറക്കുമതി തീരുവ എന്നിവ സ്വർണവിലയെ ബാധിക്കുന്ന ഘടകങ്ങളാണ്. ലോകത്ത് ഏറ്റവും കൂടുതൽ സ്വ‌ർണം ഇറക്കുമതി ചെയ്യുന്ന രാജ്യമാണ് ഇന്ത്യ. അതിനാൽ തന്നെ ആ​ഗോള വിപണിയിലെ ചെറിയ മാറ്റങ്ങൾ പോലും സ്വർണവിലയിൽ പ്രതിഫലിക്കാറുണ്ട്. കേരളത്തിൽ പ്രാദേശികമായി പ്രവർത്തിക്കുന്ന ഗോൾഡ് അസോസിയേഷനുകളാണ് സ്വർണത്തിന് വില നിശ്ചയിക്കുന്നത്. സ്വർണത്തിന്റെ ആവശ്യമനുസരിച്ച് വില കൂട്ടുന്നതും കുറയ്ക്കുന്നതും ഇത്തരം അസോസിയേഷനുകളാണ്.

​പത്ത് ദിവസത്തെ സ്വർണവില (​ഗ്രാം)

ഒക്ടോബർ - 23 - ₹13,060 (₹175 കുറഞ്ഞു)

ഒക്ടോബർ - 22 - ₹13,235

ഒക്ടോബർ - 21 - ₹13,390

ഒക്ടോബർ - 20 - ₹13,390

ഒക്ടോബർ - 19 - ₹13,570

ഒക്ടോബർ - 18 - ₹13,535

ഒക്ടോബർ - 17 - ₹13,535

ഒക്ടോബർ - 16 - ₹13,515

ഒക്ടോബർ - 15 - ₹13,515

ഒക്ടോബർ - 14 - ₹13,590