ഹോർമുസ് പ്രതിസന്ധിക്കിടയിലും ക്രൂഡ് വില താഴേക്ക്

ലണ്ടൻ : ഹോർമുസ് കടലിടുക്ക് വീണ്ടും തുറക്കാനുള്ള കരാറിനായുള്ള ശ്രമങ്ങൾക്കായി വിപണി പങ്കാളികൾ ഉറ്റുനോക്കിയതിനാൽ വെള്ളിയാഴ്ചയും അസംസ്കൃത എണ്ണ വിലയിൽ ഇടിവ് തുടർന്നു, അതേസമയം ആഗോള ഡിമാൻഡ് ദുർബലമായ പ്രതീക്ഷകൾ തുടരുന്നു.

ബ്രെന്റ് ഫ്യൂച്ചേഴ്സ് വില ഒറ്റരാത്രികൊണ്ട് 2.15 ശതമാനം ഇടിവ് നേരിട്ട ശേഷം ബാരലിന് 0.08 ശതമാനം താഴ്ന്ന് 87.00 ഡോളറിലെത്തി. യുഎസ് വെസ്റ്റ് ടെക്സസ് ഇന്റർമീഡിയറ്റ് (ഡബ്ല്യുടിഐ) ക്രൂഡ് ഓയിൽ 0.06 ശതമാനം ഇടിഞ്ഞ് 81.20 ഡോളറിലെത്തി. കഴിഞ്ഞ സെഷനിൽ ഇത് 2.4 ശതമാനമാണ് നഷ്ടമുണ്ടായത്.

അതേസമയം ഹോർമുസ് കടലിടുക്ക് വഴി കടന്നുപോകുന്ന കപ്പലുകൾക്ക് നേരെ ആക്രമണം തുടരുന്നതായി റിപ്പോർട്ടുകൾ വരുന്നുണ്ട്. വ്യാഴാഴ്ച വൈകിട്ടോടെ രണ്ട് കപ്പലുകൾ കൂടി ആക്രമിക്കപ്പെട്ടതായി അബുദാബി നാഷണൽ ഓയിൽ കമ്പനി അറിയിച്ചു. ഫെബ്രുവരി അവസാനം യുഎസ് - ഇസ്രയേൽ സഖ്യം ഇറാന് നേരെ ആരംഭിച്ച കടന്നാക്രമണത്തിന്റെ ഫലമായി ക്രൂഡ് ഓയിൽ വില ദിവസേന ഉയരുകയാണ്. ഈ വർഷം 40 ശതമാനത്തിലധികം വർധനവാണ് രേഖപ്പെടുത്തിയിരിക്കുന്നത്. ഈ പാദത്തിൽ കൂടുതൽ ഇന്ധനക്ഷാമമുണ്ടാകുമെന്ന് അന്താരാഷ്ട്ര ഊർജ ഏജൻസി വ്യക്തമാക്കി. നേരത്തെ പെട്രോളിയം കയറ്റുമതി രാജ്യങ്ങളുടെ സംഘടനയായ ഒപെക് 2026ലെ ആഗോള എണ്ണ ആവശ്യകത പ്രതിദിനം 5,80,000 ബാരലായി കുറച്ചിരുന്നു.