ആറും ഒമ്പതും വയസുള്ള സഹോദരിമാരെ പീഡിപ്പിച്ചു; പ്രതിക്ക് ഇരട്ട ജീവപര്യന്തം

തിരുവനന്തപുരം > ആറും ഒമ്പതും വയസ്സുള്ള സഹോദരിമാരെ പീഡിപ്പിച്ച വയോധികന്‌ രണ്ട്‌ ഇരട്ട ജീവപര്യന്തം. മംഗലപുരം സ്വദേശി വിക്രമനാ (63)ണ്‌ ഇരട്ട ജീവപര്യന്തവും 14 വർഷം കഠിനതടവും 60,000 രൂപ പിഴയും ശിക്ഷ ലഭിച്ചത്‌. കുട്ടികളുടെ അമ്മൂമ്മയുടെ സുഹൃത്താണ്‌ പ്രതി. 2020 -21ലാണ് സംഭവം. അമ്മൂമ്മ വീട്ടിലില്ലാത്തപ്പോഴാണ്‌ ഇയാൾ കുട്ടികളെ കൊല്ലുമെന്ന്‌ ഭീഷണിപ്പെടുത്തി പീഡിപ്പിച്ചിരുന്നത്‌. അയൽവാസി കണ്ടതോടെയാണ്‌ ഇക്കാര്യം പുറത്തറിഞ്ഞത്‌. ഇളയ സഹോദരിയെ പീഡിപ്പിച്ച കേസിൽ ഇയാൾക്ക്‌ ഇരട്ട ജീവപര്യന്തമുണ്ട്‌. മൂത്തസഹോദരിയെ പീഡിപ്പിച്ച കേസിൽ ചൊവ്വാഴ്‌ച വിധിപറഞ്ഞപ്പോഴും ഇരട്ട ജീവപര്യന്തംതന്നെ നൽകി. തിരുവനന്തപുരം പ്രത്യേക അതിവേഗ കോടതി ജഡ്‌ജി ആർ രേഖയാണ്‌ ശിക്ഷവിധിച്ചത്‌.  സ്പെഷ്യൽ പബ്ലിക് പ്രോസിക്യൂട്ടർ ആർ എസ് വിജയ് മോഹൻ, അതിയന്നൂർ ആർ വൈ അഖിലേഷ് എന്നിവർ ഹാജരായി.