കഞ്ചാവുമായി ഒരാൾ പിടിയിൽ

ചാലക്കുടി

മുഞ്ഞേലിയില്‍ വിൽപ്പനയ്ക്കായി കൊണ്ടുവന്ന കഞ്ചാവുമായി യുവാവ്‌ പിടിയിൽ. കൊല്ലം മുതയില്‍ സ്വദേശി പ്രസന്നന്‍(44)നെയാണ് എക്‌സൈസ് റേഞ്ച് ഇന്‍സ്‌പെക്ടര്‍ സി യു ഹരീഷും സംഘവും പിടികൂടിയത്. ഇയാളില്‍ നിന്നും ഒരു കിലോ കഞ്ചാവ്‌ പിടിച്ചെടുത്തു. കഴിഞ്ഞ ആറ് മാസമായി ഇയാള്‍ വെള്ളാഞ്ചിറയിലെ വാടക വീട്ടിലാണ് താമസം. നേരത്തെ കൊരട്ടിയിലും ചിറങ്ങരയിലും താമസിച്ചിരുന്നു. കഞ്ചാവ്‌ വിൽപ്പനയ്ക്കായി പല പല സ്ഥലങ്ങളില്‍ മാറിമാറി താമസിക്കുന്നതാണ് ഇയാളുടെ രീതി. ഇയാള്‍ക്ക് കഞ്ചാവ് കൈമാറിയ ഒല്ലൂര്‍ സ്വദേശി അനൂപിനായി അന്വേഷണം ആരംഭിച്ചതായി എക്‌സൈസ് അറിയിച്ചു. അസി.എക്‌സൈസ് ഇന്‍സ്‌പെക്ടര്‍മാരായ പി പി ഷാജി, കെ എം അനില്‍കുമാര്‍, സിഇഒ മാരായ രാകേഷ്, ജെയിന്‍ മാത്യു എന്നിവരും അന്വേഷണ സംഘത്തിലുണ്ടായിരുന്നു.