മയക്കുമരുന്ന്​ കടത്തുകാരൻ കരുതൽ തടങ്കലിൽ

തൃശൂർ

നിരവധി മയക്കുമരുന്ന്​ കേസുകളിലെ പ്രതി ആലപ്പുഴ ഞാക്കനാൽ സ്വദേശി ഷിബുവിനെ എൻഡിപിഎസ് ആക്ട് പ്രകാരം കരുതൽ തടങ്കലിലാക്കി. പീച്ചി സ്റ്റേഷനിൽ 155.26 ഗ്രാം രാസലഹരിയുമായി ഇയാളെ പിടികൂടിയിരുന്നു. സിറ്റി നർക്കോട്ടിക് സെല്ലിന്റെ പരിശോധനയിൽ നിരവധി ലഹരി കടത്തുക്കേസുകളിൽ പ്രതിയാണ്​ ഷിബുവെന്ന്​ കണ്ടെത്തി. തുടർന്ന്​ ജില്ലാ പൊലീസ് മേധാവി ആർ ഇളങ്കോ നൽകിയ റിപ്പോർട്ട്​ അടിസ്ഥാനമാക്കിയാണ്​ ഒരു വർഷത്തെ ജാമ്യമില്ലാത്ത കരുതൽ തടങ്കലിന്​ ആഭ്യന്തര വകുപ്പ് ഉത്തരവ് ഇറക്കിയത്​.