ഹസൻ റാവുത്തർ, പാപ്പമ്മാൾ 
രക്തസാക്ഷി ദിനാചരണം

മൂന്നാർ

ഹസൻ റാവുത്തർ, പാപ്പമ്മാൾ എന്നിവരുടെ 67-ാം രക്തസാക്ഷി ദിനാചരണം ഗൂഡാർവിള എസ്റ്റേറ്റിൽ വിപുലമായ പരിപാടികളോടെ സംഘടിപ്പിച്ചു. ദേവികുളം എസ്റ്റേറ്റ് എംപ്ലോയീസ് യൂണിയൻ(സിഐടിയു) പ്രസിഡന്റ് കെ വി ശശി ഉദ്ഘാടനംചെയ്തു. ജനറൽ സെക്രട്ടറി വി ഒ ഷാജി അധ്യക്ഷനായി. ബലികുടീരത്തിൽ പതാക ഉയർത്തൽ, പുഷ്പ്പാർച്ചന എന്നിവ നടന്നു. സിഐടിയു ജില്ലാ കമ്മിറ്റിയംഗം ആർ ഈശ്വരൻ, ജോബി ജോൺ, എം മഹേഷ്, എസ് ജയ, ശരത്‍ചന്ദ്രൻ, രമേഷ് കൃഷ്ണൻ എന്നിവർ സംസാരിച്ചു. 1958ൽ തോട്ടം തൊഴിലാളികൾ ബോണസിനും മറ്റാവശ്യങ്ങള്‍ക്കുമായി സമരം നടത്തി. പങ്കെടുത്തവര്‍ക്കുനേരെ മാനേജ്മെന്റിന്റെ അറിവോടെ പൊലീസ് നടത്തിയ വെടിവയ്‍പ്പിൽ ഹസൻ റാവുത്തർ, പാപ്പമ്മാൾ എന്നിവർ രക്തസാക്ഷിത്വം വരിക്കുകയായിരുന്നു.