ലയങ്ങൾ നവീകരിക്കണം

മൂന്നാർ

വിവിധ ആവശ്യങ്ങളുന്നയിച്ച് ദേവികുളം എസ്റ്റേറ്റ് എംപ്ലോയീസ് യൂണിയൻ(സിഐടിയു )നേതൃത്വത്തിൽ കെഡിഎച്ച്പി കമ്പനി മാട്ടുപ്പെട്ടി എസ്റ്റേറ്റ് ഓഫീസിനു മുമ്പിൽ ധർണ നടത്തി. ഡിഇഇ യൂണിയൻ പ്രസിഡന്റ് കെ വി ശശി കെ വി ശശി ഉദ്ഘാടനംചെയ്തു.

ലയങ്ങൾ പുതുക്കിപ്പണിയുക, കുടിവെള്ള ക്ഷാമം പരിഹരിക്കുക, ആവശ്യത്തിന് വിറക് നൽകുക, വിവേചനമില്ലാതെ തൊഴിൽ നൽകുക, തൊഴിലാളികൾക്കും അവരുടെ ആശ്രിതർക്കും മതിയായ വൈദ്യചികിത്സ നൽകുക‍, ആർ ആൻഡ്‌ ഡി മാനേജ്മെന്റിന്റെ തൊഴിലാളി വിരുദ്ധ പ്രവർത്തനങ്ങൾ അവസാനിപ്പിക്കുക, ഡിവിഷൻ തപാൽ വഴി എത്തുന്ന കത്തുകൾ ശരിയായി ലഭിക്കുന്നുണ്ടെന്ന് ഉറപ്പാക്കാൻ നടപടികൾ സ്വീകരിക്കുക, സുരക്ഷാ ഉപകരണങ്ങൾ സമയബന്ധിതമായി നൽകുക, ബാറ്ററി ഓപ്പറേറ്റിങ് സിസ്റ്റം(ബിഒഎസ്) മാനേജ്മെന്റ് ക്രമീകരിക്കുക, ദൈനംദിന ജോലികൾ ഉപസമിതിയുമായി ചർച്ച ചെയ്യുക, തൊഴിലാളികൾക്ക് 15 ദിവസത്തിനുള്ളിൽ മെഡിക്കൽ ബിൽ തുക വിതരണം ചെയ്യുക, തൊഴിലാളികളുടെ ആശ്രിതരെ സ്ഥിരപ്പെടുത്തുക തുടങ്ങിയ ആവശ്യങ്ങൾ ഉന്നയിച്ചാണ് സമരം. എ ജോൺ അധ്യക്ഷനായി. യൂണിയൻ ജനറൽ സെക്രട്ടറി വി ഒ ഷാജി, ഡിഇഇ യൂണിയൻ ട്രഷറർ എം ലക്ഷ്മണൻ, സെക്രട്ടറി ആർ ഈശ്വരൻ, എ രാജേന്ദ്രൻ, എസ് കെ പെരുമാൾ എന്നിവർ സംസാരിച്ചു.