തരിശില്‍ വിളയും വിഷരഹിത 
പച്ചക്കറികള്‍

ഉടുമ്പൻചോല

ഓണത്തിന് വിഷരഹിത പച്ചക്കറിയെന്ന ലക്ഷ്യത്തോടെ സിപിഐ എം വട്ടപ്പാറ ലോക്കൽ കമ്മിറ്റി പച്ചക്കറി കൃഷി തുടങ്ങി. 30 സെന്റ് തരിശ് ഭൂമിയിലാണ് കൃഷി. ഹൈബ്രിഡ് പച്ചക്കറി വിത്തുകളാണ് നട്ടത്. ബീൻസ്, കുറ്റിപ്പയർ, തക്കാളി, വെണ്ടക്ക, പാവൽ, പച്ചമുളക്, ചീര, മത്തങ്ങ, വെള്ളരി തുടങ്ങിയവ ഇവിടെ വിളയും. നടീൽ ജില്ലാ പഞ്ചായത്തം​ഗം വി എൻ മോഹനൻ ഉദ്ഘാടനംചെയ്‍തു. ലോക്കൽ സെക്രട്ടറി പി എ ജോണി, ജില്ലാ കമ്മറ്റിയംഗം തിലോത്തമ സോമൻ, ലോക്കൽ കമ്മറ്റിയംഗങ്ങളായ അരുൺ അശോകൻ, അജി തോമസ്, റാണി റെജി, തുളസി ബാബു, സിജു കെ പോൾ, ജി ആർ രാമചന്ദ്രൻ എന്നിവർ സംസാരിച്ചു.