കാര്‍ 
കൊക്കയിലേക്ക് 
മറിഞ്ഞു

മൂന്നാർ

കാർ കൊക്കയിലേക്ക് മറിഞ്ഞ് ദമ്പതിമാര്‍ക്ക് പരിക്ക്. മറയൂർ പാനാവീട്ടിൽ രാജൻ കുരുവിള, ഭാര്യ അച്ചാമ്മ എന്നിവരാണ് അപകടത്തില്‍പ്പെട്ടത്. ബുധൻ പകൽ 2.30ഓടെ മൂന്നാർ ഉദുമൽപ്പേട്ട റോഡിൽ രാജമല അഞ്ചാം മൈലിന് സമീപമായിരുന്നു അപകടം.

വളവ് തിരിയുന്നതിനിടെ 30അടി താഴ്‍ചയുള്ള കൊക്കയിലേക്ക് മറിയുകയായിരുന്നു. മൂന്നാറിൽനിന്നും അഗ്നിരക്ഷാസേനയെത്തി ഇരുവരെയും ടാറ്റ ഹൈറേഞ്ച് ആശുപത്രിയിൽ പ്രവേശിപ്പിച്ചു. മറയൂരിൽനിന്നും എറണാകുളത്തുള്ള മകനെ കാണാൻ പോകുകയായിരുന്നു ഇവർ.