മാലിന്യസംസ്‌കരണത്തിന്‌ കൈക്കൂലി: 
ലീഗ് കൗണ്‍സിലര്‍ക്കെതിരെ വിജിലന്‍സ് കേസ്‌

മഞ്ചേരി

ന​ഗരസഭയിലെ മാലിന്യശേഖരണത്തിന്റെ പേരിൽ സംസ്‌കരണ കമ്പനിയിൽനിന്ന് കൈക്കൂലി വാങ്ങിയ മുസ്ലിംലീഗ് കൗൺസിലർ മേച്ചേരി ഹുസൈനെതിരെ വിജിലൻസ്‌ കേസെടുത്തു. നഗരസഭയിലെ മാലിന്യം ശേഖരിക്കുന്നതിന് കരാറെടുത്ത കോട്ടക്കൽ എക്കോ ​ഗ്രീൻ കമ്പനിയിൽനിന്നാണ് കൈക്കൂലി വാങ്ങിയത്. മേച്ചേരി ഹുസൈന്റെ മഞ്ചേരി കോ-–ഓപറേറ്റീവ് ബാങ്കിന്റെ വനിതാ ബ്രാഞ്ചിലെ 1439 നമ്പർ അക്ക‍ൗണ്ടിലേക്കാണ് പണം എത്തിയത്. 2024 സെപ്‌തംബറിൽ എത്തിയ തുക പിറ്റേദിവസം ന​ഗരസഭയിൽ യുഡിഎഫ് നിയോ​ഗിച്ച താൽക്കാലിക ജീവനക്കാരൻ പിൻവലിച്ചു. പൊതുഭൂമി കൈയേറി കല്ലുവെട്ടി കടത്തിയതിനും നിർമാണ കരാറുകാരിൽനിന്ന്‌ കൈക്കൂലി വാങ്ങിയതിനും ജീവനക്കാർ ഉൾപ്പെടെയുള്ളവർക്കെതിരെ അന്വേഷണം പുരോ​ഗമിക്കുന്നതിനിടെയാണ് പുതിയ കേസ് രജിസ്റ്റർചെയ്തത്.