മുള കരകൗശല പരിശീലനം സമാപിച്ചു

കൊണ്ടോട്ടി

സംസ്ഥാന ബാംബൂ മിഷൻ ചെറുകാവ് ബഡ്‌സ് സ്പെഷ്യൽ സ്കൂളിൽ പത്ത് ദിവസമായി സംഘടിപ്പിച്ച മുള കരകൗശല പരിശീലനം സമാപിച്ചു. ജില്ലാ കുടുംബശ്രീ മിഷന്റെ നേതൃത്വത്തിലായിരുന്നു പരിശീലനം. സമാപന പരിപാടി ജില്ലാ കുടുംബശ്രീ പ്രോഗ്രാം മാനേജർ കെ എസ് അസ്‌കർ ഉദ്ഘാടനംചെയ്തു. ചെറുകാവ് പഞ്ചായത്ത്‌ സിഡിഎസ്‌ ചെയർപേഴ്സൺ കെ ഖദീജ അധ്യക്ഷയായി. മുള ഉൽപ്പന്നങ്ങളുടെ ആഗോള സാധ്യതകൾ ഉപയോഗിച്ച്‌ ഉൽപ്പന്നങ്ങൾ നിർമിച്ച് വിതരണംചെയ്യാനാണ് ഉദ്ദേശം. രക്ഷിതാക്കളും കുട്ടികളും ജീവനക്കാരുമടക്കം മുപ്പതോളം അംഗങ്ങൾ പരിശീലനത്തിൽ പങ്കെടുത്തു. പരിശീലന പരിപാടിയിൽ പങ്കെടുത്തവർക്ക് ആർട്ടിസൻ കാർഡ് ലഭിക്കും. സംസ്ഥാന സ്കിൽ ഏജൻസി കോ–ഓർഡിനേറ്റർ എസ്‌ മുഹമ്മദ്‌ റാഷിദ്‌, ബാംബൂ മിഷൻ ട്രെയിനർമാരായ ജംഷാദ് എടത്തനാട്ടുകര, ശക്‌തിരേശൻ പാലക്കാട്‌, കുടുംബശ്രീ ബ്ലോക്ക്‌ കോ–ഓർഡിനേറ്റർമാരായ വി‌ രേഖ, രമ്യ, വി മുജീബ് റഹ്മാൻ, സീനത്ത് കാഞ്ഞിരൻ, ബഡ്‌സ് സ്കൂൾ പ്രധാനാധ്യാപകൻ സി റഫീഖ് എന്നിവർ സംസാരിച്ചു.