"പാര്‍ക്കിങ്ങി'ന്​
പിന്നിലെ മലപ്പുറംകാരൻ

പൂക്കോട്ടുംപാടം ​

ദേശീയ ചലച്ചിത്ര അവാർഡിൽ തമിഴ്​ സിനിമ ‘പാർക്കിങ്​’ പുരസ്​കാരങ്ങൾ വാരിക്കൂട്ടിയപ്പോൾ പൂക്കോട്ടുംപാടത്തിനും അഭിമാനം. സിനിമയ്​ക്കായി കാമറ ചലിപ്പിച്ചത്​ പൂക്കോട്ടുംപാടം സ്വദേശിയായ ജിജു സണ്ണിയാണ്. 2007മുതല്‍ തമിഴ് സിനിമയില്‍ കാമറാമാനാണ്​ ജിജു സണ്ണി. വെട്രി പളനിസ്വാമിയുടെ അസോസിയേറ്റ് ആയാണ്​ തുടക്കം. 2022ൽ പുറത്തിറങ്ങിയ ‘പ്യാലി’ക്കായി​ മലയാളത്തിൽ ആദ്യമായി ഛായാഗ്രഹകനായി​. ഇതിനകം വിവിധ ഭാഷകളിൽ 14 സിനിമികളിൽ അസോസിയേറ്റായും അസിസ്റ്റന്റ് ആയും 36കാരൻ പ്രവർത്തിച്ചു. രജനീകാന്ത് നായകനായ അണ്ണാത്തെ, അജിത്തിന്റെ വിശ്വാസം എന്നിവ ഉൾപ്പെടെയാണിത്​. ഇതിനിടെയാണ് രാംകുമാര്‍ ബാലകൃഷ്ണൻ കഥയെഴുതി സംവിധാനംചെയ്​ത​ ‘പാർക്കിങ്​’ സിനിമയിലെത്തുന്നത്​. ചെന്നൈയില്‍ 34 ദിവസമായിരുന്നു സിനിമയുടെ ഷൂട്ടിങ്​. മികച്ച തമിഴ് ഫീച്ചര്‍ ഫിലിം, തിരക്കഥ, സഹനടൻ അവാർഡുകളാണ് ദേശീയ ചലച്ചിത്ര പുരസ്​കാരത്തിൽ സിനിമയ്​ക്ക്​ ലഭിച്ചത്​. പുതുപ്പറമ്പിൽ സണ്ണി ജോർജ്​– ജെയ്ൻ സണ്ണി ദമ്പതികളുടെ മകനാണ് ജിജു​. ഭാര്യ: സോണിയ. മക്കൾ: കെറ്റ്​ലിൻ ആൻ, റബേക്കാ ജെയിൻ. സഹോദരങ്ങൾ: ജെനു, ജോജി.