ആനമങ്ങാട് കൃഷ്‌ണപ്പടിയിൽ
ഗ്യാസ് ടാങ്കർ മറിഞ്ഞു

പെരിന്തൽമണ്ണ

ആനമങ്ങാട് കൃഷ്ണപ്പടി അപകടവളവിൽ ഗ്യാസ് ടാങ്കർ ലോറി മറിഞ്ഞു. ആർക്കും പരിക്കില്ല. മംഗളൂരുവിൽനിന്ന്‌ കോയമ്പത്തൂരിലേക്ക് പോകുകയായിരുന്ന ടാങ്കറാണ് ശനി പകൽ 2.30ഓടെ അപകടത്തിൽപ്പെട്ടത്. എതിരെ വന്ന കാറിന് അരികുകൊടുക്കുന്നതിനിടെ മറിയുകയായിരുന്നു. പെരിന്തൽമണ്ണ അഗ്നിരക്ഷാസേനയും പൊലീസും റവന്യൂ അധികൃതരും സംഭവസ്ഥലത്ത് എത്തി. ഗ്യാസ് ചോർച്ചയില്ലാത്തതിനാൽ വൻ അപകടം ഒഴിവായി. ഇവിടെ അപകട മുന്നറിയിപ്പ് ബോർഡുകൾ സ്ഥാപിക്കാത്തതിനെതിരെ പ്രതിഷേധം ശക്തമാണ്.