അധ്യാപകനും 
ജീവനക്കാരനുമെതിരെ കേസ്

വള്ളിക്കുന്ന്

വാട്സാപ്പ്‌ ഗ്രൂപ്പിൽ അധ്യാപികമാരെ കുറിച്ച് അപകീർത്തികരമായ പോസ്റ്റിട്ട അധ്യാപകനും ഓഫീസ് ജീവനക്കാരനുമെതിരെ കേസ്. വള്ളിക്കുന്ന് അരിയല്ലൂർ എംവിഎച്ച്എസ്എസിലെ അധ്യാപകനും ബിജെപി അനുകൂല അധ്യാപക സംഘടനാ പ്രവർത്തകനുമായ ആർ ലാൽ, ജീവനക്കാരൻ ബിജേഷ് എന്നിവർക്കെതിരെയാണ് പരപ്പനങ്ങാടി പൊലീസ് കേസെടുത്തത്. ‘എം വി ക്രിക്കറ്റ്’ വാട്സാപ്പ്‌ ഗ്രൂപ്പ് വഴിയാണ്‌ അധ്യാപികമാരെ അപകീർത്തിപ്പെടുത്തിയത്‌. രണ്ട് അധ്യാപികമാരാണ് പരാതിക്കാർ. ഒരു പരാതിയിൽ ലാലും രണ്ടാമത്തെ പരാതിയിൽ ലാലിന് പുറമെ ബിജേഷും പ്രതികളാണ്‌. സ്ത്രീ പീഡന കേസിൽ പ്രതിയായതിനെ തുടർന്ന് ലാൽ ഏറെക്കാലം സസ്‌പെൻഷനിലായിരുന്നു. പരപ്പനങ്ങാടി പൊലീസ് കേസെടുത്ത് അന്വേഷണം ആരംഭിച്ചു.