ബൊട്ടാണിക്കൽ ഗാര്‍ഡനിൽ പ്രദര്‍ശനം തുടങ്ങി
വരൂ... കാണാം സസ്യവിസ്മയം
കലിക്കറ്റ് സര്‍വകലാശാലയില്‍ സസ്യോദ്യാനപ്രദര്‍ശനം കാണാനെത്തിയ വിദ്യാര്‍ഥികള്‍
തേഞ്ഞിപ്പലം
പല വര്‍ണത്തിലുള്ള പൂക്കളും പച്ചിലച്ചാര്‍ത്തുകളുള്ള വന്മരങ്ങളുമായി സന്ദര്‍ശകരെ വരവേല്‍ക്കുകയാണ് കലിക്കറ്റ് സര്‍വകലാശാലാ സസ്യോദ്യാനം. പ്രദര്‍ശനത്തിന്റെ ആദ്യദിനം സ്‌കൂള്‍, കോളേജ് വിദ്യാര്‍ഥികളും പൊതുജനങ്ങളുമടക്കം രണ്ടായിരത്തോളം പേരാണ് എത്തിയത്. രാവിലെ 9.30മുതല്‍ വൈകിട്ട് ആറുവരെയാണ് പ്രദർശനം. 30ന്‌ സമാപിക്കും. 33 ഏക്കറോളമുള്ള ഉദ്യാനത്തില്‍ ഇലക്ട്രിക് ബഗ്ഗിയുടെ സേവനവും ലഭ്യമാണ്. മിതമായ നിരക്കില്‍ തൈകളും ചെടികളും വിൽപ്പനയ്ക്കുണ്ട്. കടലാസുപൂക്കള്‍, ഹെലിക്കോണിയ, അഗ്ലോണിമ, ബിഗോണിയ, നെയില്‍പോളിഷ് പ്ലാന്റ്, ഓര്‍ണമെന്റല്‍ ജിഞ്ചര്‍, ഇന്‍ഡോര്‍ ചെടികള്‍ എന്നിവയെല്ലാം ലഭ്യമാണ്. പ്രദർശനം വൈസ് ചാന്‍സലര്‍ ഡോ. പി രവീന്ദ്രന്‍ ഉദ്ഘാടനംചെയ്തു. ബോട്ടണി പഠനവകുപ്പ് മേധാവി ഡോ. എ യൂസഫ് അധ്യക്ഷനായി. സിന്‍ഡിക്കറ്റ്‌ അംഗങ്ങളായ ഡോ. ടി വസുമതി, ഡോ. കെ മുഹമ്മദ് ഹനീഫ, രജിസ്ട്രാര്‍ ഡോ. ഡിനോജ് സെബാസ്റ്റ്യന്‍, പരീക്ഷാ കണ്‍ട്രോളര്‍ ഡോ. പി സുനോജ് കുമാര്‍, ഫിനാന്‍സ് ഓഫീസര്‍ വി അന്‍വര്‍, സസ്യോദ്യാനത്തിന്റെ ചുമതല വഹിക്കുന്ന ഡോ. സന്തോഷ് നമ്പി എന്നിവര്‍ സംസാരിച്ചു.
Tags
0 comments