ജില്ലാ സ്കൂൾ കലോത്സവം
ആരുയർത്തും

വണ്ടൂര്
കലാ കിരീടം ആർക്കെന്നറിയാൻ ഇനി മണിക്കൂറുകൾമാത്രം. ഇഞ്ചോടിഞ്ച് പോരാട്ടവുമായി കലോത്സവനഗരി ആവേശത്തിലാണ്. മത്സരം അവസാനിക്കാന് മണിക്കൂറുകള്മാത്രം ബാക്കിനില്ക്കെ 787 പോയിന്റുമായി മങ്കട ഉപജില്ല മുന്നിട്ടുനില്ക്കുന്നു. 748 പോയിന്റുമായി നിലമ്പൂര് രണ്ടാമതും 735 പോയിന്റുമായി മഞ്ചേരി മൂന്നാംസ്ഥാനത്തുമുണ്ട്. 731 പോയിന്റുമായി മലപ്പുറം നാലാമതും 724 പോയിന്റോടെ വേങ്ങര നാലാം സ്ഥാനത്തും കുതിക്കുന്നു. സ്കൂള് വിഭാഗത്തില് ആര്എംഎച്ച്എസ് മേലാറ്റൂര് (226)ആണ് മുന്നില്. 209 പോയിന്റുമായി സിഎച്ച്എംഎച്ച്എസ് പൂക്കൊളത്തൂര് രണ്ടാം സ്ഥാനത്തും 198 പോയിന്റോടെ ജിബിഎച്ച്എസ്എസ് മഞ്ചേരി മൂന്നാം സ്ഥാനത്തുമുണ്ട്. യുപി ജനറലില് 151 പോയിന്റുമായി നിലമ്പൂരും ഹൈസ്കൂളില് 312 പോയിന്റുമായി മങ്കടയും ഹയര് സെക്കന്ഡറിയില് 334 പോയിന്റുമായി മങ്കടയും കുതിക്കുന്നു. യുപി സംസ്കൃതത്തില് 86 പോയിന്റോടെ മങ്കടയാണ് മുന്നില്. ഹൈസ്കൂളില് 91 പോയിന്റുമായി വേങ്ങരയും മുന്നിട്ടുനില്ക്കുന്നു. യുപി അറബിക് കലോത്സവത്തില് 60 പോയിന്റ് വീതം നേടി കൊണ്ടോട്ടിയും മങ്കടയും ഹൈസ്കൂള് അറബിക്കില് 85 പോയിന്റോടെ പൊന്നാനിയും മുന്നിട്ടുനില്ക്കുന്നു. അവസാന ദിനമായ ശനിയാഴ്ച കോല്ക്കളിയും വട്ടപ്പാട്ടും ആവേശമുയർത്തും. ഭരതനാട്യം, ഇരുള നൃത്തം, കുച്ചിപ്പുടി എന്നിവയും അരങ്ങേറും.
പോയിന്റ് നില
മങ്കട787
നിലമ്പൂർ748
മഞ്ചേരി735
മലപ്പുറം731
വേങ്ങര724









0 comments