ഹരിതകർമസേനയും ക‍ൗൺസിലർമാരും അനുഭവം പങ്കിട്ടു

ചേർത്തല

നഗരസഭയും കേരള ഖരമാലിന്യ പരിപാലന പദ്ധതിയും ഹരിതകർമ സേനാംഗങ്ങളും ജനപ്രതിനിധികളുമായി അഭിമുഖം സംഘടിപ്പിച്ചു. ചേർത്തല റോട്ടറി ഹാളിലാണ്‌ അഭിമുഖം. ഹരിതകർമസേന വാർഷികവും സംഘടിപ്പിച്ചു. ​ നഗരസഭാധ്യക്ഷ ഷേർളി ഭാർഗവൻ ഉദ്‌ഘാടനംചെയ്‌തു. വ്ലോഗറും മോട്ടിവേഷണൽ സ്‌പീക്കറുമായ സ്‌നേഹ വിജിൽ "സ്‌ത്രീ സംരംഭകർ വളരട്ടെ’ എന്ന വിഷയം അവതരിപ്പിച്ചു. ഹരിതകർമസേന കലാപരിപാടി അവതരിപ്പിച്ചു. മത്സരങ്ങളും ഒരുക്കി. കാലാവധി പൂർത്തിയാക്കിയ കൗൺസിലർമാർക്ക് ഹരിതകർമസേന ഉപഹാരം നൽകി. ​ ക‍ൗൺസിലർ ബാബു മുള്ളൻചിറ അധ്യക്ഷനായി. വൈസ്ചെയർമാൻ ടി എസ് അജയകുമാർ മുഖ്യപ്രഭാഷണം നടത്തി. ജി രഞ്‌ജിത്ത്, എ എസ് സാബു, ശോഭ ജോഷി, മാധുരി സാബു, എ അജി, ആശ മുകേഷ്, ബി ഫൈസൽ, ജാക്‌സൺ മാത്യു, ഡി സൽജി, എസ് സനീഷ്, അനൂപ് ചാക്കോ, എം കെ പുഷ്‌പകുമാർ, ഹരിതകർമസേന കൺസോർഷ്യം പ്രസിഡന്റ്‌ പൈങ്കിളി കുഞ്ഞമ്മ എന്നിവർ അനുഭവങ്ങൾ പങ്കുവച്ചു. കൺസോർഷ്യം സെക്രട്ടറി സീന വാർഷിക റിപ്പോർട്ട് അവതരിപ്പിച്ചു.