നൂറുകടന്ന മുത്തശ്ശിയെ ആദരിച്ചു

കഞ്ഞിക്കുഴി

മുതിർന്ന പൗരന്മാരോടുള്ള അതിക്രമങ്ങൾക്കെതിരായ ബോധവൽക്കരണ ദിനത്തില്‍ കണിച്ചുകുളങ്ങര ഹയർസെക്കൻഡറി സ്‌കൂള്‍ എൻഎസ്എസ് വിഭാഗം 101 വയസുള്ള മുത്തശ്ശിയെ ആദരിച്ചു. പൊക്ലാശേരി എൽപി സ്‌കൂൾ പ്രഥമാധ്യാപികയായിരുന്ന കറുകപ്പറമ്പിൽ ചെല്ലമ്മ ടീച്ചറെയാണ് കുട്ടികളും അധ്യാപകരും വീട്ടിലെത്തി പൊന്നാടയണിയിച്ച് ആദരിച്ചത്. കുട്ടികൾ പുതുവസ്‌ത്രങ്ങൾ നൽകിയും സെൽഫിയെടുത്തും സ്‌നേഹം പങ്കിട്ടു. ടീച്ചറുടെ അനുഭവങ്ങളും ഉപദേശങ്ങളും കേട്ട് മണിക്കൂറോളം ചെലവഴിച്ചശേഷമാണ് കുട്ടികള്‍ മടങ്ങിയത്. വയോജനങ്ങളെ ചേർത്തുനിർത്തി സംരക്ഷിക്കുകയെന്നത് ഓര്‍മപ്പെടുത്തുക കൂടിയായിരുന്നു സന്ദര്‍ശനം. എൻഎസ്എസ് പ്രോഗ്രാം ഓഫീസർമാരായ രസ്‌ന, അഞ്‌ജലി എന്നിവർ സംസാരിച്ചു.