ആത്മാഭിമാനസംഗമം നടത്തി ​

അങ്കമാലി

ക്ഷേമപെൻഷൻ കൈക്കൂലിയല്ല അഭിമാനമാണ്, ലൈഫ് വ്യാമോഹമല്ല യാഥാർഥ്യമാണ് എന്നീ മുദ്രാവാക്യങ്ങളുയർത്തി കെഎസ്‌കെടിയു മഞ്ഞപ്ര വില്ലേജ് കമ്മിറ്റിയുടെ നേതൃത്വത്തിൽ ചന്ദ്രപ്പുര ജങ്ഷനിൽ ആത്മാഭിമാനസംഗമം നടത്തി.

യൂണിയൻ ജില്ലാ പ്രസിഡന്റ് എൻ സി ഉഷാകുമാരി ഉദ്ഘാടനം ചെയ്തു. സംഘാടകസമിതി ചെയർമാൻ ഐ പി ജേക്കബ് അധ്യക്ഷനായി.

യൂണിയൻ ഏരിയ പ്രസിഡന്റ് പി യു ജോമോൻ, ഡിവൈഎഫ്ഐ സംസ്ഥാന കമ്മിറ്റി അംഗം അഡ്വ. ബിബിൻ വർഗീസ്, കെഎസ്‌കെടിയു വില്ലേജ് സെക്രട്ടറി രാജു അമ്പാട്ട്, ടി സി ഷാജൻ എന്നിവർ സംസാരിച്ചു.