ക്രൊട്രച്ചാലിൽ പൊലീസ്‌ പോരാട്ടം

നീലേശ്വരം ​

നീലേശ്വരം നഗരസഭയിലെ 32-ാം വാർഡായ കൊട്രച്ചാലിലെ തെരഞ്ഞെടുപ്പ്‌ പോരാട്ടം രണ്ട് റിട്ട. പൊലീസ് സബ് ഇൻസ്പെക്ടർമാർ തമ്മിലാണ്‌. ഒരുമിച്ച്‌ ജോലിചെയ്‌തവർ നേർക്കുനേർ പോരടിക്കുമ്പോഴും സൗഹൃദത്തിന് തെല്ലും ഉലച്ചിലില്ല. എൽഡിഎഫ് സ്ഥാനാർഥി പി വി സതീശനും യുഡിഎഫിലെ രവീന്ദ്രൻ കൊക്കോട്ടിനും റിട്ട. എസ്ഐമാർ എന്നതിലുപരി സമാനത ഏറെയാണ്. പൊലിസ് അസോസിയേഷന്റെയും ഓഫീസേഴ്സ് അസോസിയേഷന്റെയും സെക്രട്ടറിയും പ്രസിഡന്റുമായി പി വി സതീശൻ ഏറെക്കാലം പ്രവർത്തിച്ചിട്ടുണ്ട്. രവീന്ദ്രൻ കേരള പൊലിസ് ഓഫീസേഴ്സ് അസോസിയേഷൻ സംസ്ഥാന നിർവാഹ സമിതി അംഗവും ജില്ല ട്രഷററും ആയിരുന്നു. ആദൂർ സ്റ്റേഷനിൽ ഇരവുരും ഒരുമിച്ചു ജോലി ചെയ്തിട്ടുമുണ്ട്. വ്യത്യസ്ത രാഷ്ട്രീയ ചിന്താഗതിക്കാരായിട്ടും രാഷ്ട്രീയത്തിന് അതീതമാണ് ഇവരുടെ സൗഹൃദം.