മാസ്സാക്കാം പ്രചാരണം

കാസർകോട്‌

ചിഹ്നം പതിപ്പിച്ച കരയുള്ള മുണ്ടാണ്‌ ഇനിയുള്ള നാളുകളിൽ തെരഞ്ഞെടുപ്പ്‌ പ്രചാരണത്തിലെ ട്രെൻഡ്‌. അരിവാൾ ചുറ്റികയും നക്ഷത്രവും പതിപ്പിച്ച മുണ്ട്‌ ഉടുത്താൻ സ്‌ക്വാഡ്‌ പ്രവർത്തനം കളറാകും. സ്ഥാനാർഥിക്കും സ്ക്വാഡിനറിങ്ങുന്ന പ്രവർത്തകർക്കും ആൺപെൺ ഭേദമില്ലാതെ മുണ്ടുടുക്കാം. റാലികളിലും പ്രകടനങ്ങളിലും ചിഹ്നം പതിപ്പിച്ച മുണ്ടും ടീഷർട്ടുമൊക്കെയായാൽ ആളുകൂടും. കാണാനും ആളുകൂടും. പാർടിക്കും മുന്നണിക്കും അനുസമരിച്ച്‌ തരാതരം ചിഹ്നം കരയാക്കിയ മുണ്ടുകൾ വാങ്ങാം. അരിവാളും നെൽകതിരും കൈപ്പത്തിയും കോണിയും താമരയുമൊക്കെ കരയിലുണ്ട്‌. കാഞ്ഞങ്ങാടെ കടയിൽ വിൽപനക്കെത്തിയവയിൽ കളർ മുണ്ടും വെള്ളമുണ്ടുമുണ്ട്‌. തെരഞ്ഞെടുപ്പ്‌ റാലികൾ ആരംഭിക്കുന്നതോടെ ചിഹ്‌നം പതിച്ച മുണ്ടുകൾ ഹരമാകുമെന്ന്‌ വിൽപനക്കാർ പറയുന്നു. 190 രൂപ മുതലാണ്‌ മുണ്ടിന്റെ വില. ഒരുമിച്ച്‌ വേണമെങ്കിൽ വിലപേശി വാങ്ങാം. സ്ഥാനാർഥിയുടെ ഫോട്ടവും ടാഗ്‌ലൈനും പേരും ചിഹ്നവുമൊക്കെ പതിപ്പിച്ച ടീ ഷർട്ടുകളും റെഡി. കൂടുതൽ എണ്ണം ഓർഡർ ചെയ്താൽ രണ്ടു ദിവസത്തിനകം പ്രിന്റ്‌ ചെയ്‌ത്‌ കൈയിൽത്തരും. 50 രൂപ മുതൽ മേലോട്ടാണ്‌ വില. തെരഞ്ഞെടുപ്പിന്‌ ഉപയോഗിക്കാവുന്ന കൊടിതോരണങ്ങളും വിൽപനം കേന്ദ്രങ്ങളിൽ തയ്യാർ.