പ്രതി 25 വർഷത്തിനുശേഷം പിടിയിൽ

കാസർകോട്

മീപ്പുഗിരിയിലെ ബി ടി വിജയൻ കൊലപാതകക്കേസിലെ പിടികിട്ടാപ്പുള്ളി ആരിക്കാടി ബാണ്ണംകുളം സ്വദേശി മുഹമ്മദ് ഇക്ബാൽ (ഇക്കു) അരിക്കാടിയിൽ പിടിയിലായി. രണ്ടായിരത്തിലായിരുന്നു കൊലപാതകം. കുമ്പള പൊലീസ് ഇയാൾക്കായി തെരച്ചിൽ നടത്തുന്നതിനിടെ വിദേശത്തേക്ക് കടക്കുകയായിരുന്നു. മറ്റൊരു കൊലപാതക കേസിൽ ശിക്ഷിക്കപ്പെട്ട ഇക്കു ഏറെക്കാലമായി ദുബായ് ജയിലിൽ ശിക്ഷ അനുഭവിക്കുകയായിരുന്നു. ശിക്ഷ പൂർത്തിയായി നാട്ടിൽ എത്തിയ ഉടൻ കുമ്പള പൊലീസും കാസർകോട് സബ് ഡിവിഷൻ സ്‌ക്വാഡും പ്രതിയെ പിടികൂടുകയായിരുന്നു. ​കുമ്പള ഇൻസ്‌പെക്ടർ ടി കെ മുകുന്ദന്റെ നേതൃത്വത്തിലുള്ള സംഘത്തിൽ എസ്ഐ നാരായണൻ നായർ, എഎസ് ഐ ഷാജു, സീനിയർ സിവിൽ പൊലീസ് ഓഫീസർ രാജേഷ് എന്നിവരുണ്ടായിരുന്നു.