മുടപ്പല്ലൂരിൽ 5 പേരെ കടിച്ച 
തെരുവുനായയ്‌ക്ക് പേവിഷബാധ

വടക്കഞ്ചേരി

മുടപ്പല്ലൂരിൽ രണ്ട് വിദ്യാർഥികൾ ഉൾപ്പെടെ അഞ്ചുപേരെ കടിച്ച തെരുവുനായയ്‌ക്ക് പേവിഷബാധ സ്ഥിരീകരിച്ചു. മലമ്പുഴ വെറ്ററിനറി ലാബിൽ നടത്തിയ പരിശോധനയിലാണ് പേ വിഷബാധ സ്ഥിരീകരിച്ചത്. കഴിഞ്ഞ ദിവസമാണ് മുടപ്പല്ലൂർ ഗവ. സ്കൂളിനുസമീപം വിദ്യാർഥികൾ ഉൾപ്പെടെ അഞ്ചുപേരെ തെരുവുനായ കടിച്ചത്. പിന്നീട് നാട്ടുകാർ ചേർന്ന് തല്ലിക്കൊന്നു. തുടർന്ന് നടത്തിയ പരിശോധനയിലാണ് പേവിഷബാധ സ്ഥിരീകരിച്ചത്. മറ്റ് വളർത്തുനായകളെയും തെരുവുനായകളെയും കടിച്ചതിനാൽ ഇവിടെ പേവിഷ പ്രതിരോധ കുത്തിവയ്‌പ്പ്‌ നടത്തേണ്ടി വരും. വളർത്തുമൃഗങ്ങൾക്ക് പ്രതിരോധ കുത്തിവയ്‌പ്പ്‌ നടത്തുന്നതിന് ക്യാമ്പ് നടത്തുമെന്ന് അധികൃതർ അറിയിച്ചു.