84 കോടിയുടെ വികസന പദ്ധതികൾക്ക്​ അംഗീകാരം

പാലക്കാട്​

മുഖ്യമന്ത്രി പിണറായി വിജയന്റെ നേതൃത്വത്തിൽ നടത്തിയ നവകേരള സദസ്സിൽ ലഭിച്ച നിവേദനങ്ങളുടെ അടിസ്ഥാനത്തിൽ മന്ത്രിസഭ ചർച്ചചെയ്​ത്​ ഓരോ മണ്ഡലത്തിലും നടപ്പാക്കേണ്ട പദ്ധതികൾക്ക്​ അംഗീകാരം നൽകി. നേരത്തേ അംഗീകരിച്ച പദ്ധതികളിൽ ചില മാറ്റങ്ങൾ വരുത്തിയാണ്​ അനുമതി നൽകിയത്​. 84 കോടിയുടെ വികസന പദ്ധതികളാണ്‌ ജില്ലയിൽ നടപ്പാക്കുന്നത്‌. 12 നിയമസഭാ മണ്ഡലത്തിലും ഒന്നും രണ്ടും വികസന പദ്ധതികൾ നടപ്പാക്കും.

മണ്ഡലങ്ങളും നടപ്പാക്കുന്ന പദ്ധതികളും അനുവദിച്ച തുകയും ചുവടെ. (തുക കോടിയിൽ)

1. തൃത്താല: പട്ടിക്കായൽ നവീകരണം–- അഞ്ചുകോടി, പടിഞ്ഞാറങ്ങാടി സെന്റർ നവീകരണം–- രണ്ട്‌. 2. പട്ടാമ്പി: പട്ടാമ്പി–- ആമയൂർ റോഡ്‌–-2.50, പറക്കാട്‌–- വിയറ്റ്‌നാംപടി–- വെളത്തൂർ റോഡ്‌–- 4.50. 3. ഷൊർണൂർ: ഷൊർണൂർ റെയിൽവേ സ്‌റ്റേഷനുസമീപം ഷീ ലോഡ്‌ജ്‌–- അഞ്ച്‌, 
 കാക്കത്തോടിനുകുറൂകെ പുതിയ പാലം, അപ്രോച്ച്‌ റോഡ്‌ –- രണ്ട്‌. 4. ഒറ്റപ്പാലം: മൂണ്ടോർശിക്കടവ്‌ തടയണ–-4.34, പനയൂർക്കാവ്‌ തടയണ–- 2.66. 5. കോങ്ങാട്‌: തച്ചമ്പാറ–- തിരുത്തുമ്മൽ പാലം–- രണ്ട്‌, കോങ്ങാട്‌ പഞ്ചായത്തിൽ സിന്തറ്റിക്‌ ട്രാക്ക്‌–- അഞ്ച്‌. 6. മണ്ണാർക്കാട്‌: പുതൂർ ഗവ. ട്രൈബൽ വൊക്കേഷണൽ ഹയർസെക്കൻഡറി സ്‌കൂൾ കെട്ടിടം–- നാല്‌, 
 കുമരംപുത്തൂർ പഞ്ചായത്ത്‌ സ്‌റ്റേഡിയം–- മൂന്ന്‌. 7. മലമ്പുഴ: മലമ്പുഴയിൽ സ്‌റ്റേഡിയം–- ഏഴ്‌. 8. പാലക്കാട്‌: മേലാമുറി–- പൂടൂർ–- കോട്ടായി നടപ്പാത–- 5.10. 9. തരൂർ: തോലനൂർ ആർട്‌സ്‌ ആൻഡ്​ സയൻസ്‌ കോളേജ്‌ കെട്ടിട നിർമാണം–- അഞ്ച്‌, 
 പുതുക്കോട്‌–- തെക്കേപ്പൊറ്റ പുത്തരിപ്പാടം പാലം–- രണ്ട്‌. 10. ചിറ്റൂർ: മൂലത്തറ വലതുകര കനാൽ വരട്ടയാർമുതൽ വേലന്താവളംവരെ ദീർഘിപ്പിക്കൽ സ്ഥലമേറ്റെടുക്കൽ–- ഏഴ്‌. 11. നെന്മാറ: നെന്മാറ ബോയ്‌സ്‌ ഹയർസെക്കൻഡറി സ്‌കൂൾ കെട്ടിട നിർമാണം–- മൂന്ന്‌, ആലമ്പള്ളം പാലം–- നാല്‌. 12. ആലത്തൂർ: ആലത്തൂർ–- നെല്ലിയാംകുന്നം–- മലക്കുളം റോഡ്‌ നിർമാണം–- 8.90.