ജനവിധി തേടി 
സഹോദരിമാര്‍

മലന്പുഴ

മലന്പുഴയില്‍ സഹോദരിമാര്‍ തദ്ദേശ തെരഞ്ഞെടുപ്പില്‍ ജനവിധി തേടുന്നു. സിപിഐ എം ആലത്തൂർ ഏരിയ കമ്മിറ്റിയംഗം വി സി രാമചന്ദ്രന്റെ മകള്‍ വി ആര്‍ രജനി, രാമചന്ദ്രന്റെ ഏട്ടന്‍ വി സി ബാലന്റെ മകള്‍ പ്രിയ കണ്ണന്‍ എന്നിവരാണ് എൽഡിഎഫ്‌ സ്ഥാനാര്‍ഥികളായി മത്സരിക്കുന്നത്. വി ആര്‍ രജനി മലമ്പുഴ പഞ്ചായത്ത് ഏഴാം വാര്‍ഡ് കടുക്കാംകുന്നം ഈസ്റ്റിലും പ്രിയ കണ്ണൻ മലമ്പുഴ ബ്ലോക്ക് പഞ്ചായത്ത് അകത്തേത്തറ ഈസ്റ്റ് ഡിവിഷനിലുമാണ്‌ സ്ഥാനാർഥി. പ്രിയ കണ്ണന്‍ രണ്ടാംതവണയാണ് മത്സരിക്കുന്നതെങ്കില്‍ വി ആര്‍ രജനിയുടേത്‌ കന്നി അങ്കമാണ്. പുരോഗമന ജനാധിപത്യ പ്രസ്ഥാനങ്ങളിലും, പൊതുജന സാമൂഹ്യ സാംസ്‌കാരിക രംഗങ്ങളിലും നിറസാന്നിധ്യമാണ് ഇരുവരും.