വോട്ടിങ് 
യന്ത്രങ്ങളുടെ 
വിതരണം 
നാളെമുതൽ

പാലക്കാട്‌

തദ്ദേശ തെരഞ്ഞെടുപ്പിൽ വിവിധ ബ്ലോക്ക് പഞ്ചായത്ത്‌, നഗരസഭകളിലേക്കുള്ള വോട്ടിങ് യന്ത്രങ്ങള്‍ തിങ്കളാഴ്‌ച മുതൽ കൈമാറും. തിങ്കളും ചൊവ്വയും ആര്‍ഡിഒ ഓഫീസിലും ബുധനാഴ്‌ച താലൂക്ക് ഓഫീസില്‍നിന്നുമാണ് വോട്ടിങ് യന്ത്രങ്ങളുടെ വിതരണം നടക്കുക. ചുമതലയുള്ള ഉദ്യോഗസ്ഥർ ജീവനക്കാരോടൊപ്പം കൃത്യസമയത്ത് വിതരണ കേന്ദ്രത്തിലെത്തണം. തിങ്കൾ രാവിലെ 9.30-ന് ചിറ്റൂര്‍ നഗരസഭ, 10ന്‌ ഒറ്റപ്പാലം നഗരസഭ, 10.30ന് പട്ടാമ്പി നഗരസഭ, 11ന്‌ ശ്രീകൃഷ്ണപുരം ബ്ലോക്ക്‌ പഞ്ചായത്ത്‌, 12ന്‌ അട്ടപ്പാടി ബ്ലോക്ക് പഞ്ചായത്ത്, 12.30ന് ഷൊര്‍ണൂര്‍ നഗരസഭ, രണ്ടിന്‌ തൃത്താല ബ്ലോക്ക് പഞ്ചായത്ത്, മൂന്നിന്‌ പട്ടാമ്പി ബ്ലോക്ക് പഞ്ചായത്ത്, നാലിന്‌ കൊല്ലങ്കോട് ബ്ലോക്ക് പഞ്ചായത്ത്. ഡിസംബര്‍ രണ്ടിന് രാവിലെ 9.30ന് പാലക്കാട് നഗരസഭ, 10ന്‌ ചെര്‍പ്പുളശരി നഗരസഭ, 10.30ന് മണ്ണാര്‍ക്കാട് നഗരസഭ, 11ന്‌ മണ്ണാര്‍ക്കാട് ബ്ലോക്ക് പഞ്ചായത്ത്, 12ന്‌ നെന്മാറ ബ്ലോക്ക് പഞ്ചായത്ത്, രണ്ടിന്‌ ആലത്തൂര്‍ ബ്ലോക്ക് പഞ്ചായത്ത്, മൂന്നിന്‌ ഒറ്റപ്പാലം ബ്ലോക്ക് പഞ്ചായത്ത്. ഡിസംബര്‍ മൂന്നിന് രാവിലെ 9.30ന് പാലക്കാട് ബ്ലോക്ക് പഞ്ചായത്ത്, 11ന്‌ കുഴല്‍മന്ദം ബ്ലോക്ക് പഞ്ചായത്ത്, 12ന്‌ ചിറ്റൂര്‍ ബ്ലോക്ക് പഞ്ചായത്ത്, രണ്ടിന്‌ മലമ്പുഴ ബ്ലോക്ക് പഞ്ചായത്ത്‌.