അവശതയുള്ളവർക്ക്‌ സഹായം ഉറപ്പാക്കും

പാലക്കാട്‌

കാഴ്‌ച, ശാരീരിക വെല്ലുവിളി നേരിടുന്നവർക്ക്‌ വോട്ട് ചെയ്യാൻ സഹായിയെ അനുവദിക്കും. സമ്മതിദായകർ ആവശ്യപ്പെടുന്ന 18 വയസ്സിനുമുകളിലുള്ള സഹായിയെയാണ് അനുവദിക്കുക. ബാലറ്റിലെ ചിഹ്നം തിരിച്ചറിയാനും ബട്ടണ്‍ അമര്‍ത്തി വോട്ട് ചെയ്യാനും സാധിക്കില്ലെന്ന് പ്രിസൈഡിങ് ഓഫീസര്‍ക്ക് ബോധ്യപ്പെടണം. വോട്ടറുടെ ഇടതുകൈയിലെ ചൂണ്ടുവിരലിലും സഹായിയുടെ വലതുകൈയിലെ ചൂണ്ടുവിരലിലും മായാത്ത മഷി പുരട്ടും. സ്ഥാനാര്‍ഥികളെയും പോളിങ് ഏജന്റുമാരെയും സഹായികളാക്കാനാകില്ല. ഒരാൾക്ക്‌ ഒന്നിലധികം സമ്മതിദായകരുടെ സഹായിയാകാനും അനുവദിക്കില്ല.