ബാങ്ക്‌ ഓഫ്‌ ബറോഡയിൽ
മാനേജർ, ഓഫീസർ; 417 ഒഴിവ്‌

ബാങ്ക് ഓഫ് ബറോഡ റീട്ടെയിൽ ലയബിലിറ്റീസ്, റൂറൽ & അഗ്രി ബാങ്കിങ്‌ വകുപ്പുകളിലെ റെഗുലർ തസ്തികകളിലേക്ക് അപേക്ഷ ക്ഷണിച്ചു. 417 ഒഴിവുണ്ട്‌ മാനേജർ -(സെയിൽസ്‌) 227, അഗ്രികൾച്ചർ മാർക്കറ്റിങ്‌ ഓഫീസർ 142, അഗ്രികൾച്ചർ മാർക്കറ്റിങ്‌ മാനേജർ 48 എന്നിങ്ങനെയാണ്‌ അവസരം. തിരഞ്ഞെടുക്കപ്പെടുന്നവർക്ക്‌ ഒരുവർഷം പ്രൊബേഷൻ പിരീഡായിരിക്കും.

യോഗ്യത: മാനേജർ - സെയിൽസ്: ബിരുദം. പ്രായപരിധി: 24 – 34 വയസ്‌.

അഗ്രികൾച്ചർ സെയിൽസ് ഓഫീസർ/ മാനേജർ: കൃഷി / ഹോർട്ടികൾച്ചർ / മൃഗസംരക്ഷണം / വെറ്ററിനറി സയൻസ് / ഡയറി സയൻസ് / ഫിഷറി സയൻസ് / പിസികൾച്ചർ / അഗ്രി. മാർക്കറ്റിംഗ് & കോ-ഓപ്പറേഷൻ / കോ–-ഓപ്പറേഷൻ & ബാങ്കിംഗ് / അഗ്രോ-ഫോറസ്ട്രി / ഫോറസ്ട്രി / അഗ്രികൾച്ചറൽ ബയോടെക്നോളജി / ബി.ടെക് ബയോടെക്നോളജി / ഫുഡ് സയൻസ് / അഗ്രികൾച്ചർ ബിസിനസ് മാനേജ്മെന്റ് / ഫുഡ് ടെക്നോളജി / ഡയറി ടെക്നോളജി / അഗ്രികൾച്ചറൽ എൻജിനിയറിങ്‌ / സെറികൾച്ചർ / ഫിഷറീസ് എൻജിനിയറിങ്‌ എന്നിവയിൽ നാലുവർഷ ബിരുദം. പ്രായപരിധി: അഗ്രികൾച്ചർ സെയിൽസ് ഓഫീസർ: 24 –36 വയസ്‌. അഗ്രികൾച്ചർ സെയിൽസ് മാനേജർ: 26 –42 വയസ്‌.

അപേക്ഷാഫീസ്: 850 രൂപ. എസ്‌സി, എസ്ടി, പിഡബ്ല്യുഡി, ഇഎസ്എം/ഡിഇഎസ്എം & സ്ത്രീകൾ : 175 രൂപ. നികുതി ചാർജുകൾ അധികം നൽകണം. 680നുമുകളിൽ സിബിൽ സ്‌കോർ ഉണ്ടായിരിക്കണം. ഓൺലൈൻ ടെസ്‌റ്റ്‌, സൈക്കോമെട്രിക്‌ ടെസ്‌റ്റ്‌, ഗ്രൂപ്പ്‌ ഡിസ്‌കഷൻ/അഭിമുഖം എന്നിവയുടെ അടിസ്ഥാനത്തിലാണ്‌ തിരഞ്ഞെടുപ്പ്‌. കേരളത്തിൽ എറണാകുളത്ത്‌ പരീക്ഷാകേന്ദ്രമുണ്ട്‌. ഓൺലൈനായി അപേക്ഷിക്കാനുള്ള അവസാന തീയതി: ആഗസ്‌ത്‌ 26. www.bankapps.bankofbaroda.co.in/BOBRECRUITMENT_A25 വഴി ഓൺലെനായി അപേക്ഷിക്കണം. വിശദ വിവരങ്ങൾക്ക്‌ www.bankofbaroda.in കാണുക.