നൂറോളം ശാസ്ത്രജ്ഞരെയും ​ഗവേഷകരെയും പിരിച്ചുവിടാനൊരുങ്ങി ട്രംപ് സർക്കാർ

വാഷിങ്ടൺ : ചെലവു ചുരുക്കലിന്റെ ഭാ​ഗമായി നൂറോളം ശാസ്ത്രജ്ഞരെയും ​ഗവേഷകരെയും പിരിച്ചുവിടാനൊരുങ്ങി ട്രംപ് സർക്കാർ. പരിസ്ഥിതി സംരക്ഷണ ഏജൻസി (ഇപിഎ- EPA)ക്ക് നൽകി വരുന്ന തുക വെട്ടിക്കുറയ്ക്കുന്നതിന്റെ ഭാ​ഗമായാണ് ശാസ്ത്രജ്ഞരെയും ​ഗവേഷകരെയും പിരിച്ചുവിടുന്നത്. മലിനീകരണം, കാലാവസ്ഥ വ്യതിയാനം തുടങ്ങിയവയെപ്പറ്റി പഠനം നടത്തുന്ന സയന്റിഫിക് റിസർച്ച് ടീമിൽ നിന്നാണ് പിരിച്ചുവിടൽ.

ഏക​ദേശം 1,500 പേരാണ് ഇവിടെയുള്ളത്. ഭൂരിഭാ​ഗം ഉദ്യോ​ഗസ്ഥരെയും പിരിച്ചുവിടുമെന്നും ബാക്കിയുള്ളവരെ ഏജൻസിയിലെ തന്നെ മറ്റ് വിഭാ​ഗങ്ങളിലേക്ക് മാറ്റുമെന്നും യുഎസ് ഹൗസ് കമ്മിറ്റി ഓൺ സയൻസ്, സ്പേസ് ആൻഡ് ടെക്നോളജി അധികൃതർ പറഞ്ഞു. സർക്കാരിന്റെ ചെലവ് ചുരുക്കുക എന്നതിന്റെ ഭാ​ഗമായാണ് ട്രംപിന്റെ നടപടി. ഏജൻസിയിലെ 17,000 വരുന്ന ജീവനക്കാരിൽ 65 ശതമാനത്തെയും പിരിച്ചുവിടുമെന്ന് ട്രംപ് മുമ്പ് വ്യക്തമാക്കിയിരുന്നു.