Deshabhimani

നിർത്തിയിട്ട ലോറിയിലേയ്ക്ക് പിക്കപ്പ് വാൻ ഇടിച്ചുകയറി; 3 മരണം, 27 പേർക്ക് പരിക്ക്

Accident at Ludhiyana

Photo: NDTV

വെബ് ഡെസ്ക്

Published on Nov 17, 2026, 06:24 PM | 1 min read

ലുധിയാന: നിർത്തിയിട്ട ലോറിക്കു പിന്നിലേയ്ക്ക് പിക്കപ്പ് വാൻ ഇടിച്ചുകയറിയുണ്ടായ അപകടത്തിൽ 2 കുട്ടികൾ ഉൾപ്പടെ മൂന്നു പേർക്ക് ദാരുണാന്ത്യം. 27 പേർക്ക് പരിക്കേറ്റു. ലുധിയാന ജില്ലയിലെ മച്ഛിവാര മേഖലയിലെ പവത് പാലത്തിന് സമീപം ചൊവ്വാഴ്ചയായിരുന്നു അപകടം. ക്ഷേത്രം ദർശനം കഴിഞ്ഞ് മടങ്ങിയവരാണ് അപകടത്തിൽപ്പെട്ടത്.


ഇടിയുടെ ആഘാതത്തിൽ പിക്കപ്പ് വാനിന്റെ മുൻഭാ​ഗം പൂർണമായും തകർന്നു. വാനിലുണ്ടായിരുന്നവർക്കാണ് പരിക്കേറ്റത്. പ്രദേശവാസികൾ ചേർന്നാണ് അപകടത്തിൽപ്പെട്ടവരെ വാഹനത്തിൽ നിന്നും പുറത്തെടുത്ത് ആശുപത്രിയിലേയ്ക്ക് മാറ്റിയത്. പരിക്കേറ്റവരിൽ ചിലരുടെ നില ​ഗുരുതരമെന്നാണ് ലഭിക്കുന്ന വിവരം. സംഭവത്തിൽ പൊലീസ് അന്വേഷണം നടത്തി വരികയാണ്. വാഹനത്തിന്റെ അമിതവേ​ഗതയാണ് അപകടത്തിലേയ്ക്ക് വഴിവെച്ചതെന്നാണ് പ്രാഥമിക നി​ഗമനം.







deshabhimani section

Related News

View More
0 comments
Sort by

Deshabhimani
Home