ആന്ധ്രപ്രദേശിൽ വാഹനാപകടം: നാല് മരണം; ഏഴുപേർക്ക് പരിക്ക്

ആന്ധ്രപ്രദേശ് : പൽനാട് ജില്ലയിൽ നിർത്തിയിട്ടിരുന്ന ലോറിക്ക് പിന്നിൽ വാഹനം ഇടിച്ച് നാലുപേർ മരിച്ചു. അപകടത്തിൽ ഏഴ് പേർക്ക് പരിക്കേറ്റു. ഇന്നാണ് സംഭവം നടന്നത്. ഹൈദരാബാദിൽ നിന്ന് പ്രകാശം ജില്ലയിലെ പാമൂരിലേക്ക് ശവസംസ്കാര ചടങ്ങിൽ പങ്കെടുക്കാൻ പോവുകയായിരുന്നു ഇവർ.

ശ്രീശൈലം റോഡിലെ മച്ചേർലയ്ക്ക് സമീപമുള്ള നാഗരം ഏരിയയിൽ വെച്ചാണ് അപകടം നടന്നത്. ടയർ പൊട്ടിയതിനെത്തുടർന്ന് റോഡരികിൽ നിർത്തിയിട്ടിരുന്ന ലോറിയിലേക്ക് ഇവരുടെ വാഹനം ഇടിച്ചുകയറുകയായിരുന്നു. മരിച്ചവരിൽ രണ്ട് പുരുഷന്മാരും രണ്ട് സ്ത്രീകളും ഉൾപ്പെടുന്നു. പരിക്കേറ്റ ഏഴ് പേർക്കും പരിക്കുകൾ ഉണ്ടെങ്കിലും ആരുടെയും നില ഗുരുതരമല്ല.