2025ന് മുൻപ് എത്തിയ മുസ്ലീങ്ങൾക്കൊഴികെ ഇന്ത്യയിൽ തുടരാമെന്ന് കേന്ദ്രം; പൗരത്വ നിയമത്തിൽ ഇളവ്

ന്യൂഡൽഹി: മതധ്രുവീകരണ ലക്ഷ്യത്തോടെ കേന്ദ്രസർക്കാർ നടപ്പാക്കിയ പൗരത്വ ഭേ​​ദ​ഗതി നിയമത്തിൽ പുതിയ ഇളവ്. 2024 ഡിസംബർ 31 വരെ ഇന്ത്യയിൽ എത്തിയ മുസ്ലിം ഇതര മതവിശ്വാസികൾക്ക് പൗരത്വത്തിന് അപേക്ഷിക്കാമെന്ന് കേന്ദ്ര ആഭ്യന്തര മന്ത്രാലയം ഉത്തരവിറക്കി. അഫ്​ഗാനിസ്ഥാൻ, ബം​ഗ്ലാദേശ്, പാകിസ്ഥാൻ എന്നിവിടങ്ങളിൽ നിന്നുള്ള ഹിന്ദു, സിഖ്, ബുദ്ധ, ജൈന, പാഴ്സി, ക്രിസ്ത്യൻ- വിഭാ​ഗങ്ങളിൽപ്പെട്ടവർക്കാണ് ഇത് ബാധകം.

2014വരെ ഇന്ത്യയിലെത്തിയവർക്കായിരുന്നു ഇതുവരെ പൗരത്വം നൽകിയത്. പുതിയ ഇളവ് പ്രകാരം പൗരത്വത്തിന് അപേക്ഷിക്കുന്നവർക്ക് പാസ്പോർട്ടോ യാത്രരേഖകളോ ആവശ്യമില്ല.

2019 ഡിസംബറിലാണ് ശക്തമായ എതിർപ്പുകൾക്കിടയിലും പൗരത്വ ഭേദ​ഗതി നിയമം കേന്ദ്രസർക്കാർ കൊണ്ടുവന്നത്. മതത്തിന്റെ അടിസ്ഥാനത്തിൽ പൗരത്വം നിശ്ചയിക്കുന്നത് ഭരണഘടനാവിരുദ്ധമാണെന്ന് ചൂണ്ടിക്കാട്ടി നിയമപോരാട്ടങ്ങൾ ഉൾപ്പെടെ തുടരുകയാണ്.