തമിഴ്നാട് മന്ത്രിയുടെ സ്ഥാപനങ്ങളില്‍ ഇഡി റെയ്ഡ്

ചെന്നൈ : മന്ത്രിയും ഡിഎംകെയുടെ മുതിര്‍ന്ന നേതാവുമായ കെ എന്‍ നെഹ്റുവിനെതിരെ ഇഡി റെയ്ഡ് തുടരുന്നു. സഹോദരനും ബിസിനസുകാരനുമായ കെ എന്‍ രവിചന്ദ്രനെ ചോദ്യം ചെയ്യാനായി കസ്റ്റഡിയിലെടുത്തു. ചെന്നൈ, തിരുച്ചിറപ്പള്ളി, കോയമ്പത്തൂര്‍ എന്നിവിടങ്ങളിലെ വിവിധ സ്ഥലങ്ങളിൽ തിങ്കളാഴ്ച മുതലാണ് ഇഡി റെയ്ഡ് തുടങ്ങിയത്. രവിചന്ദ്രന്റെ റിയൽ എസ്റ്റേറ്റ് സ്ഥാപനവുമായി ബന്ധപ്പെട്ട 22 കോടിയുടെ ബാങ്ക് ലോൺ തട്ടിപ്പാണ് ഇഡി ആരോപിക്കുന്നത്. 2021ൽ സിബിഐ കേസെടുത്തിരുന്നു.

നെഹ്റുവിന്റെ മകന്‍‌ അരുൺ നെ​ഹ്റു എംപിയുടെ വീട്ടിലും റെയ്ഡ് നടത്തി.