ആറ് മാസം മുൻപ് വിവാഹം; തൃശൂരിൽ ഇരുപതുകാരിയായ ​ഗർഭിണി പൊള്ളലേറ്റ് മരിച്ചനിലയിൽ

തൃശൂർ: തൃശൂർ വരന്തരപ്പിള്ളിയിൽ ഗർഭിണിയെ ഭർതൃവീട്ടിൽ പൊള്ളലേറ്റ് മരിച്ചനിലയിൽ കണ്ടെത്തി. നന്തിപുലം മനക്കലക്കടവ് മാക്കോത്ത് ഷാരോണിന്റെ ഭാര്യ അർച്ചന (20)യാണ് മരിച്ചത്. ബുധന്‍ വൈകുന്നേരം വീടിന് പുറകിലെ കോൺ​ക്രീറ്റ് കാനയിലാണ് മൃതദേഹം കണ്ടത്. വീടിനുള്ളിൽവെച്ച് തീകൊളുത്തിയശേഷം പുറത്തേക്ക് ഓടിയതാകാമെന്നാണ് നി​ഗമനം. ഷാരോണിനെ പൊലീസ് കസ്റ്റഡിയിൽ‌ എടുത്തിട്ടുണ്ട്.

ആറ് മാസം മുൻപായിരുന്നു അർച്ചനയുടെയും ഷാരോണിന്റെയും വിവാഹം. പ്രണയവിവാഹമായിരുന്നു ഇവരുടേത്. സംഭവസമയം വീട്ടിൽ ആരുമുണ്ടായിരുന്നില്ലെന്നാണ് വിവരം. വ്യാഴം രാവിലെ ഫോറൻസിക് വിദ​ഗ്ധരെത്തി പരിശോധ​ന നടത്തിയശേഷമാകും മൃതദേഹം ആശുപത്രിയിലേക്ക് മാറ്റുക. വരന്തരപ്പിള്ളി പൊലീസ് അന്വേഷണം ആരംഭിച്ചിട്ടുണ്ട്.